ନବରଙ୍ଗପୁର: ମଧ୍ୟାହ୍ନ ଭୋଜନ ପରିବହନ ବିଲ୍ କରାଇଦେବା ପାଇଁ ୧ ଲକ୍ଷ ଟଙ୍କା ଲାଞ୍ଚ ନେବେ ବେଳେ ଧରାପଡିଲେ ଆକାଉଣ୍ଟାଣ୍ଟ। ଆଜି ସଂଧ୍ୟା ପ୍ରାୟ ୬ଟା ବେଳେ ମଧ୍ୟାହ୍ନ ଭୋଜନ ପରିବହନ ବାବଦରେ ଥିବା ବିଲ୍ କରାଇଦେବା ପାଇଁ ୧ ଲକ୍ଷ ଟଙ୍କା ଲାଞ୍ଚ ନେବା ବେଳେ ନବରଙ୍ଗପୁର ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ମଧ୍ୟାହ୍ନ ଭୋଜନ ଦାୟିତ୍ବରେ ଥିବା ଆକାଉଣ୍ଟାଣ୍ଟ ବିକାଶ ସାନା ଭିଜିଲାନସ୍ ହାତରେ ଧରାପଡିଛନ୍ତି। ଶ୍ରୀ ସାନା ମଧ୍ୟାହ୍ନ ଭୋଜନ ପ୍ରୋଗ୍ରାମର ଓ ଆକାଉଣ୍ଟାଣ୍ଟ ଦାୟିତ୍ବରେ ରହିଥିଲେ।
ଭିଜିଲାନ୍ସ ବିଭାଗ ଠାରୁ ମିଳିଥିବା ସୂଚନା ଅନୁଯାୟୀ ମଧ୍ୟାହ୍ନ ଭୋଜନ ଚାଉଳ ବଣ୍ଟନ ପାଇଁ ପରିବହନ ଠିକାଦାର ମୋହନ ଚୌରାସିଆଙ୍କ ପ୍ରାୟ ୧୦ ଲକ୍ଷ ଟଙ୍କା ବିଲ୍ ଓ ୨ ଲକ୍ଷ ଟଙ୍କା ଅମାନତ ରାଶି ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ବକେୟା ରହିଥିଲା। ଏହି ବିଲ୍ କରାଇଦେବା ପାଇଁ ଶ୍ରୀ ସାନା କୁଆଡେ ୨ ଲକ୍ଷ ଟଙ୍କା ଠିକାଦାରଙ୍କୁ ମାଗିଥିଲେ। ସେ ଏ ନେଇ ଭିଜିଲାନସ୍ ର ଦ୍ବାରସ୍ଥ ହୋଇଥିଲେ।
