ଭଦ୍ରକ : ଭଦ୍ରକ ଜିଲ୍ଲା ଵାଂଶଡ଼ା ଥାନା ଅଧିନସ୍ଥ ମଉସୁଧା ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା। ଟ୍ରକ ପଛକୁ ପିଟିଲା ବାଇକ୍ । ବାଇକ୍ ଚାଳକ ମୃତ।
ମଙ୍ଗଳବାର ଅପରାହ୍ନ ସମୟରେ ଏକ ମାଲ ବୋଝେଇ ଟ୍ରକ ମଉସୁଧା ଛକ ନିକଟରେ ସିମେଣ୍ଟ ଅନଲୋଡ କରୁଥିଲା। ଉକ୍ତ ସମୟରେ ଗୋଟିଏ ବାଇକ୍ ଦ୍ରୁତଗତିରେ ଆସି ଟ୍ରକ ପଛପଟକୁ ପିଟିଥିଲା। ଫଳରେ ବାଇକ୍ ଚାଳକ ରକ୍ତାକ୍ତ ଅବସ୍ଥାରେ ତଳେ ପଡ଼ିଯାଇଥିଲେ। ଏନେଇ ସ୍ଥାନୀୟ ଲୋକେ ଆମ୍ବୁଲାନ୍ସ ଯୋଗେ ଚାନ୍ଦବାଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମୃତକ ହେଲେ ଦୀପକ ଜେନା।