ସମ୍ୱଲପୁର : ରେଢାଖୋଲ ବନଖଣ୍ଡ ନାକଟିଦେଉଳ ଘୋଷରାମାଲ ଗାଁ ଜଙ୍ଗଲ ନିକଟରେ ଅଘଟଣ । ରେଢାଖୋଲ ବନଖଣ୍ଡରୁ ୩ଟି ହାତୀଙ୍କ ମୃତଦେହ ଉଦ୍ଧାର କରାଯାଇଛି । ବିଦ୍ୟୁତ ଆଘାତରେ ୩ଟି ହାତୀଙ୍କ ମୃତ୍ୟୁ ହୋଇଥିବା ଜଣାପଡ଼ିଛି ।
ସୂଚନା ମୁତାବକ, ରେଢାଖୋଲ ବନଖଣ୍ଡ ନାକଟିଦେଉଳ ଘୋଷରାମାଲ ଗାଁ ଜଙ୍ଗଲ ନିକଟରେ ୩ଟି ହାତୀ ବିଦ୍ୟୁତ ଆଘାତରେ ପ୍ରାଣ ହରାଇଥିଲେ । ସୋମବାର ସକାଳୁ ଲୋକେ ଧାନ କାଟିବା ପାଇଁ ଯାଇଥିବା ବେଳେ ହାତୀଙ୍କୁ ଅଚେତ ଅବସ୍ଥାରେ ପଡି ରହିଥିବା ଦେଖିଥିଲେ । ଏହା ଦେଖି ଗାଁଲୋକେ ତୁରନ୍ତ ବନ ବିଭାଗକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ବନ ବିଭାଗର କର୍ମଚାରୀ ପହଞ୍ଚିଥିଲେ । ସେଠାରେ ପହଞ୍ଚି ୩ ହାତୀଙ୍କର ମୃତଦେହକୁ ଉଦ୍ଧାର କରିଛନ୍ତି । ଏହା ସହ ଘଟଣାସ୍ଥଳରେ ତଦନ୍ତ କରୁଛି ବନ ବିଭାଗ ।