ରାୟଗଡ଼ା : ଆଜି ୬ ଘଣ୍ଟିଆ ରାୟଗଡ଼ା ଜିଲ୍ଲା ବନ୍ଦ । ଜିଲ୍ଲା ବିଜେପି ମହିଳା ମୋର୍ଚ୍ଚା ପକ୍ଷରୁ ଦିଆଯାଇଛି ଏହି ବନ୍ଦ ଡାକରା । ବିଭିନ୍ନ ସ୍ଥାନରେ ବନ୍ଦର ପ୍ରଭାବ ମଧ୍ୟ ଦେଖିବାକୁ ମିଳିଛି । ରାସ୍ତା-ଘାଟ ଶୁନ୍ଶାନ୍ ସହ ଗାଡି ଚଳାଚଳ ଉପରେ ପ୍ରଭାବ ମଧ୍ୟ ପକାଇଛି ବନ୍ଦ।
ଖବର ଅନୁଯାୟୀ, ଗତ ୨୧ ତାରିଖରେ ରାୟଗଡ଼ା ଜିଲ୍ଲା ଚନ୍ଦ୍ରପୁରରେ ଆଦିବାସୀ ମହିଳା ଲକ୍ଷ୍ମୀ ମାଝୀ ଜୀବନ୍ତ ଦଗ୍ଧ ହୋଇଥିଲେ । ଯାହାକୁ ନେଇ ଗତ କିଛି ଦିନ ହେଲା ଜିଲ୍ଲାରେ ରାଜନୈତିକ ମାହୋଲ ବେଶ୍ ସରଗରମ ରହିଥିଲା । ଏପିରିକି ଗତ ବୁଧବାର ଦିନ ରାଜ୍ୟ ବିଜେପି ମହିଳା ସଭାନେତ୍ରୀ ଐଶ୍ଚର୍ଯ୍ୟ ବିଶ୍ୱାଳ ଏକ ପ୍ରେସ୍ ମିଟ୍ କରିଥିଲେ । ଯେଉଁଥିରେ ଗୁରୁବାର ଦିନ ଜିଲ୍ଲାରେ ୬ ଘଣ୍ଟିଆ ବନ୍ଦ ପାଳନକୁ ଆହ୍ୱାନ ଦେଇଥିଲେ । ଯାହାର ପ୍ରଭାବ ଆଜି ମାନେ ଗୁରୁବାର ଦିନ ଦେଖିବାକୁ ମିଳିଛି । ଛକ ଛକରେ ପ୍ଲାଗ କାର୍ଡ ଧରି ବିରୋଧ କରୁଛନ୍ତି ବିଜେପି କର୍ମୀ । ଏହାସହ ଯଦି ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି । କାର୍ଯ୍ୟାନୁଷ୍ଠାନ ନହେଲେ ଆନ୍ଦୋଳନକୁ ଜୋରଦାର କରାଯିବ ବୋଲି ବିଜେପି କହିଛି ।