ଆନନ୍ଦପୁର : ପୋଖରୀରେ ବୁଡି ଚାଷୀ ମୃତ । ଗାଧୋଇବା ବେଳେ ଅସାବଧାନତା କାରଣରୁ ଗୋଡ ଖସିଯିବାରୁ ମୃତ୍ୟୁ । ଆନନ୍ଦପୁର ରାମଚନ୍ଦ୍ରପୁର ଥାନା ଖଲଣା ପଞ୍ଚାୟତ ଆଗର୍ଦା ଗାଁ ପୋଖରୀରେ ବୁଡି ଜଣେ ଚାଷୀଙ୍କ ମୃତ୍ୟୁ ହୋଇଛି । ମୃତ ଚାଷୀ ହେଉଛନ୍ତି ସ୍ଥାନୀୟ ଅଞ୍ଚଳ ପ୍ରଶାନ୍ତ କୁମାର ।
ସୂଚନା ଥାଉକି, ପ୍ରଶାନ୍ତ ଚାଷ କାମ ସାରି ଗ୍ରାମର ଅସୁରଗଡିଆରେ ପୋଖରୀକୁ ଗାଧୋଇବାକୁ ଯାଇଥିଲେ । ହେଲେ ଗାଧୋଉଥିବାବେଳେ ଅସାବଧାନତା କାରଣରୁ ଗୋଡ ଖସିଯାଇଥିଲା । ଫଳରେ ସେ ଗଭୀର ପାଣିରେ ବୁଡି ଯାଇଥିଲେ । ସ୍ଥାନୀୟ ଲୋକେ ସଂଗେ ସଂଗେ ଉଦ୍ଧାର କରି ଆନନ୍ଦପୁର ଉପଖଣ୍ତ ଚିକିତ୍ସାଳୟରେ ଭର୍ତ୍ତି କରିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସୂଚନା ପାଇଁ ରାମଚନ୍ଦ୍ରପୁର ପୋଲିସ ଅପମୃତ୍ୟୁ ମାମଲା ରୁଜୁ କରି ମୃତଦେହ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି ।