ଟ୍ରକ ଧକ୍କାରେ ଦନ୍ତା ମୃତ

କେନ୍ଦୁଝର, କେନ୍ଦୁଝର ଜିଲ୍ଲା ତେଲକୋଇ ରେଞ୍ଜ ୪୯ନମ୍ବର ଜାତୀୟ ରାଜପଥ କଣ୍ଟା ବାହାଳ ଗ୍ରାମ ନିକଟରେ ଟ୍ରକ୍ ଧକ୍କାରେ ଏକ ଦନ୍ତା ହାତୀର ମୃତ୍ୟୁ ହୋଇଥିବା ଜଣା ପଡିଛି । ଦୁର୍ଘଟଣା ପରେ ଟ୍ରକ୍ ଟିକୁ ସ୍ଥାନୀୟ ଲୋକେ ଅଟକ ରଖିଛନ୍ତି। ହାତୀ ଜାତୀୟ ରାଜପଥ ପାର ହେଉଥିବା ବେଳେ ଏହି ଦୁର୍ଘଟଣା ଘଟିଥିବା କୁହା ଯାଉଛି । ତେବେ ସୂଚନା ମୁତାବକ (ଓଡ଼ି ୦୯ୟୁ ୨୪୭୧) ନମ୍ବର ବିଶିଷ୍ଟ ଟ୍ରକ୍ ୪୯ ନମ୍ବର ଜାତୀୟ ରାଜପଥରେ ଆଇରନ ବୋଝେଇ କରି ପାଲଲହଡ଼ା ଅଭିମୁଖେ ଯାଉଥିବା ବେଳେ ସେହି ସମୟରେ ଦନ୍ତା ହାତୀ ରାସ୍ତା ପାର ହେଉଥିବା ରୁ ଉଭୟ ଙ୍କ ମଧ୍ୟରେ ଧକ୍କା ହୋଇଥିଲା । ଦୁର୍ଘଟଣା ପରେ ହାତୀଟି ରାସ୍ତା କଡକୁ ଛିଟିକି ପଡ଼ିଥିଲା । କିଛି ସମୟ ପରେ ହାତୀ ଟି ଛିଡ଼ା ହୋଇ କିଛି ପାଦ ଚାଲିବା ବେଳେ ଏକ ବିଲ ମଝିରେ ଖସି ପଡ଼ିଛି । ସ୍ଥାନୀୟ ଲୋକେ ହାତୀ ପାଖକୁ ଯାଇ ସ୍ଥିତି ପରଖୁ ଥିବା ବେଳେ ହାତୀର ମୃତ୍ୟୁ ହୋଇ ଯାଇଥିବା ଆଶଙ୍କା କରା ଯାଉଛି । ତେବେ ବନ କର୍ମଚାରୀ ଙ୍କ ଅବହେଳା ଯୋଗୁଁ ଦନ୍ତା ର ଅକାଳ ବିୟୋଗ ହୋଇଥିବା ଅଭିଯୋଗ ହୋଇଛି । ଡ୍ରାଇଭର ଗିରଫ ହୋଇଥିବା ଜଣାପଡିଛି।