କେନ୍ଦୁଝର,୨୭/୧୨ (ନିପ୍ର) କେନ୍ଦୁଝର ସହର ଉପସ୍ଥିତ ଜାମୁହୋତାସ୍ଥିତ ସୁଦର୍ଶନ ଭବନ ଛାତ୍ରାବାସର ବାର୍ଷିକ ଉତ୍ସବ ଓ ବନବାସୀ କଲ୍ୟାଣ ଆଶ୍ରମ ର ପ୍ରତିଷ୍ଠା ଦିବସ ପାଳିତ ହୋଇଯାଇଛି । ଏଥିରେ ମୁଖ୍ୟଅତିଥି ଭାବେ ଗୀତିକାର ସୁବ୍ରତ ସ୍ୱାଇଁ ଯୋଗଦେଇ ଜୀବନରେ ସଫଳ ହେବାପାଇଁ ବଡ଼ ସ୍ଵପ୍ନ ଦେଖିବା ସହ ତାହାକୁ ସାକାର କରିବାକୁ ପରିଶ୍ରମ କରିବାପାଇଁ ପରାମର୍ଶ ଦେଇଥିଲେ। ସମ୍ମାନିତ ଅତିଥିଭାବେ ଛାତ୍ରାବାସର ସଭାପତି ପ୍ରଫେସର ବିପିନ ବିହାରୀ ଜେନା ଓ ସମାଜସେବୀ ସେବତୀ ସିଂ ଯୋଗଦେଇଥିଲେ। ବନବାସୀ କଲ୍ୟାଣ ଆଶ୍ରମର ସହ କ୍ଷେତ୍ର ସଂଗଠନ ମନ୍ତ୍ରୀ ବିଶ୍ଵାମିତ୍ର ମହାନ୍ତ ଯୋଗଦେଇ କଲ୍ୟାଣ ଆଶ୍ରମ ପ୍ରତିଷ୍ଠାର ପୃଷ୍ଠଭୂମି ସମ୍ପର୍କରେ ଆଲୋଚନା କରିଥିଲେ। ଡ଼. ଭାରତୀ ବେହେରା ଓ ସଂକେତ ପାଇକିରାୟ ମଧ୍ୟ ଉପସ୍ଥିତ ଥିଲେ । କାର୍ଯ୍ୟକ୍ରମ ରେ ଜନଜାତି ଗୌରବ ନାମକ ଏକ ପୁସ୍ତକ ଅତିଥି ମାନେ ଉନ୍ମୋଚନ ତଥା ପ୍ରକାଶିତ କରିଥିଲେ । ଛାତ୍ରାବାସର ସମ୍ପାଦକ ଜୟକୃଷ୍ଣ ମହାନ୍ତ ଜାମୁହୋତାସ୍ଥିତ ସୁଦର୍ଶନ ଭବନ ଛାତ୍ରାବାସର ବାର୍ଷିକ ବିବରଣୀ ପାଠ ଓ ଅତିଥି ପରିଚୟ ଦେଇଥିଲେ । ପ୍ରାନ୍ତ ସହଶ୍ରଦ୍ଧା ଜାଗରଣ ପ୍ରମୁଖ ସରୋଜ ଶତପଥୀ କାର୍ଯ୍ୟକ୍ରମ ପରିଚାଳନା କରିଥିଲେ । ଜିଲ୍ଲା ସହସମ୍ପାଦକ ବୀରଭଦ୍ର ସେଠୀ, ଗିରିଧାରୀ ମୁଣ୍ଡା, ଘନଶ୍ୟାମ ମୁଣ୍ଡା, ଯଶୋବନ୍ତ ଗହୀର, ପ୍ରାନ୍ତ ସହ ସଂଗଠନ ମନ୍ତ୍ରୀ ରାମପଦ ପଇଡା ସହଯୋଗ କରିଥିଲେ। ଶେଷରେ ପୁରସ୍କାର ବିତରଣ ଓ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା।
