ମୟୁରଭଞ୍ଜ : ଶିମିଳିପାଳରେ କଳାବାଘ ସଫାରୀ ପାଇଁ ମିଳିଲା ଅନୁମତି । ଏନେଇ ସୋମବାର ବନ୍ୟପ୍ରାଣୀ ପିସିସିଏଫ ସୁଶାନ୍ତ ନନ୍ଦଙ୍କ ପକ୍ଷରୁ ସୂଚନା ମିଳିଛି । ସେଣ୍ଟ୍ରାଲ ଜୁ ଅଥୋରିଟିରୁ ଅନୁମତି ମିଳିଥିବା ନେଇ ସେ କହିଛନ୍ତି । ବାରିପଦା ନିକଟସ୍ଥ ମଞ୍ଚାବେଡାରେ ହେବ ବାଘ ସଫାରୀ । ୧୦୦ ଏକର ଜାଗାରେ ସଫାରୀ ହେବ। ନନ୍ଦନକାନନରେ ଥିବା କଳା ଜିନ୍ ବାଘକୁ ସେଠାରେ ଛଡାଯିବ । ଚଳିତବର୍ଷ ଶେଷ ସୁଦ୍ଧା ଏହି ସଫାରୀ ପର୍ଯ୍ୟଟଙ୍କ ପାଇଁ ଖୋଲାଯିବ।
ସୂଚନାନୁଯାୟୀ, ଦେଶର ପ୍ରଥମ କଳାବାଘ ସଫାରୀ ପାଇଁ ସିଜେଡିଏ ପକ୍ଷରୁ ସବୁଜ ସଙ୍କେତ ମିଳିଛି । ଏଥିପାଇଁ ସଫାରୀ ଡିଜାଇନକୁ ଅନୁମୋଦନ ମିଳିଛି । ସପ୍ତାହେ ମଧ୍ୟରେ ଚୂଡାନ୍ତ ଅନୁମୋଦନ ମିଳିବ । ୧୦୦ ହେକ୍ଟର ପରିବ୍ୟାପ୍ତ ଅଞ୍ଚଳରେ ନୂଆ ସଫାରୀ ହେବ । ଚିଡିଆଖାନା ସହ ବାଘଙ୍କ ପାଇଁ ସ୍ୱତନ୍ତ୍ର ହସ୍ପିଟାଲ ରହିବ । ନନ୍ଦନକାନନରୁ ସଫାରୀକୁ କଳାବାଘ ଯିବେ । ଏଥିପାଇଁ ଜାନୁଆରୀ ମାସରେ ଏନଟିସିଏର ଅନୁମୋଦନ ମିଳିଥିଲା ।କଳାବାଘ ସଫାରୀ ପାଇଁ ବିଜେଡି ସରକାର ଅନୁମୋଦନ ଦେଇଥିଲେ । ବାଘଙ୍କ ପାଇଁ ଓଡିଶା ଏବେ ପ୍ରକୃଷ୍ଟ ସ୍ଥାନ।