କେନ୍ଦୁଝର : କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ୨୦ନଂ ଜାତୀୟ ରାଜପଥର ହସନପୁର ଟୋଲ୍ ଗେଟ୍ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ଡିଭାଇଡରକୁ ଧକ୍କା ଦେଇ ଓଲଟିଲା କାର୍। ଏହି ଦୁର୍ଘଟଣାରେ ଜଣେ ମୃତ ଓ ଜଣେ ଆହତ l ମୃତକ ହେଲେ ଘଟଗାଁ ଅଞ୍ଚଳର ଅଜୟ ସାହୁ ଓ ଆାହତ ଜଣକ ଘଷିପୁରା ଥାନା କଇନିପୁରା ଗାଁ ର କୁଳମଣି ସାହୁ ।
ଉଭୟ ଟ୍ରକ୍ ମାଲିକ ହୋଇଥିବାରୁ ନିଜ କାର ଯୋଗେ ଗତ ଗୁରୁବାର ପାରାଦ୍ଵୀପ ପୋର୍ଟ ଯାଇଥିଲେ । ଫେରିବା ସମୟରେ ଶୁକ୍ରବାର ଭୋର୍ ସମୟରେ ଆଖି ଲାଗିଯିବାରୁ ହସନପୁର ଟୋଲ ଗେଟ ପୂର୍ବରୁ କିଛିଦୂରରେ କାରଟି ଡିଭାଇଡରକୁ ଧକ୍କାଦେଇ ଓଲଟି ପଡିଥିଲା । କାର ଚଳାଉଥିବା ଅଜୟଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା କୁହାଯାଉଛି । କୁଳମଣୀଙ୍କୁୁ ଆହତ ଅବସ୍ଥାରେ ଆନନ୍ଦପୁର ଡାକ୍ତରଖାନାରେ ଚିକିତ୍ସାପରେ ଘରକୁ ନିଆଯାଇଛି । ଉଭୟ କେନ୍ଦୁଝର ଜିଲ୍ଲା ଟ୍ରକ୍ ମାଲିକ ସଂଘର ସଦସ୍ୟ ରହିଥିବାରୁ ଖବରପାଇ ଟ୍ରକ୍ ମାଲିକ ସଂଘର ସଭାପତି ଙ୍କ ସମେତ ଅନେକ କର୍ମକର୍ତା ଓ ସଦସ୍ୟଙ୍କ ଭିଡ ଡାକ୍ତରଖାନାରେ ଦେଖିବାକୁ ମିଳିଛି । ପୋଲିସ କାର୍କୁ ଜବତ କରି ଘଟଣାର ତଦନ୍ତ ଜାରି ରଖିଛି।