ପୁରୀ : ଆଜି ବସିବ ଶ୍ରୀମନ୍ଦିର ଛତିଶା ନିଯୋଗ ବୈଠକ। ମଙ୍ଗଳବାର ଅପରାହ୍ନ ୫ଟା ସମୟରେ ପୁରୀ ନୀଳାଦ୍ରୀ ଭକ୍ତନିବାସରେ ଛତିଶାନିଯୋଗ ବୈଠକ ବସିବା ନେଇ ସୂଚନା। ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତାରେ ବସିବାକୁ ଥିବା ବୈଠକରେ ସାମିଲ୍ ହେବେ ଜିଲାପାଳ, ଏସପି, ସେବାୟତ ଏବଂ ପ୍ରଶାସନିକ ଅଧିକାରୀ।
ଆଗକୁ ଦୋଳ ପୂର୍ଣ୍ଣିମା ଆସୁଥିବା ବେଳେ ମହାପ୍ରଭୁଙ୍କ ନୀତିକାନ୍ତି କିଭଳି ସୁରଖୁରରେ ସମ୍ପାଦିତ ହେବ ସେନେଇ ଆଜିର ବୈଠକରେ ଆଲୋଚନା ହୋଇ ନୀତିନିର୍ଘଣ୍ଟ ଚୂଡାନ୍ତ ହେବ। ଆସନ୍ତା ମାର୍ଚ୍ଚମାସ ୬ତାରିଖରେ ମେଣ୍ଢାପୋଡି ନୀତି ଓ ୭ ତାରିଖରେ ଦୋଳପୂର୍ଣ୍ଣିମା ପଡୁଛି। ଦୋଳପୂର୍ଣ୍ଣିମାରେ ମହାପ୍ରଭୁ ଦୋଳବେଦୀକୁ ବିଜେ କରିବେ। ଓ ମହାପ୍ରଭୁ ସୁନାବେଶରେ ଭକ୍ତଙ୍କୁ ଦର୍ଶନ ଦେବେ। ସେପଟେ କିଭଳି ଯୁଦ୍ଧକାଳୀନ ଭିତ୍ତିରେ ଦୋଳବେଦୀ ଚାରିପଟ କାମ ସରିବ ସେନେଇ ମଧ୍ୟ ବୈଠକରେ ବିସ୍ତୃତ ଆଲୋଚନା ହେବାର ସମ୍ଭାବନା ରହିଛି।