କେନ୍ଦୁଝର, ଜେଲରୋଡ଼ ସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିର କେନ୍ଦୁଝରଗଡ଼ ଓ ଡ଼ିଏଭି ପୋବ୍ଲିକ ସ୍କୁଲ ପରି ଅନେକ ଶିକ୍ଷାନୁଷ୍ଠାନ ରେ ଦେଶର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହାରଲାଲ ନେହେରୁଙ୍କ ଜନ୍ମଜୟନ୍ତୀ ପାଳିତ ହୋଇ ଯାଇଛି । ଶିଶୁବାଟିକା ଶିଶୁଙ୍କୁ ନେଇ ଆୟୋଜିତ କାର୍ଯ୍ୟକ୍ରମରେ ବାଟିକା ପ୍ରମୁଖ ବିଜୟିନୀ ଦେବୀ ପଣ୍ଡିତଜୀଙ୍କ ଜୀବନ ଚରିତ ଉପରେ ବକ୍ତବ୍ୟ ପ୍ରଦାନ କରିଥିବା ବେଳେ ଗୁରୁମା ମନସ୍ବିନୀ ଦାଶ, ସୁଜାତାରାଣୀ ମିଶ୍ର, ଆରତୀ ସାହୁ, ପୁଷ୍ପାଞ୍ଜଳି ସାହୁ ଓ ଜ୍ୟୋତିରାଣୀ ପଣ୍ଡା ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିବା ସହିତ ନେହେରୁଜୀଙ୍କ ଦେଶ ସେବା ବିଷୟରେ ଛୋଟ କାହାଣୀ ମାନ କହିଥିଲେ । ସେହିପରି ଡ଼ିଏଭି ପବ୍ଲିକ ସ୍କୁଲ ର ଅଧ୍ୟକ୍ଷ ସ୍ୱପ୍ନେନ୍ଦୁ ପଟ୍ଟନାୟକ ଙ୍କ ଅଧ୍ୟକ୍ଷତାରେ ସ୍କୁଲ ର କୁନି କୁନି ଛାତ୍ର ଛାତ୍ରୀ ମାନଙ୍କୁ ଶିଶୁ ଦିବସର ମହତ୍ତ୍ଵ ସହିତ ସ୍ୱାଧୀନ ଭାରତର ପ୍ରଧାନମନ୍ତ୍ରୀ ଜବାହାରଲାଲ ନେହେରୁଙ୍କ ଜୀବନି ସମ୍ପର୍କରେ ସ୍କୁଲ ର ଶିକ୍ଷକ ଶିକ୍ଷୟିତ୍ରୀ ମନେ ବକ୍ତବ୍ୟ ପ୍ରଦାନ କରିଥିଲେ ।
