ଭବାନୀପାଟଣା – ରାଜ୍ୟରେ ବିଜେପି ଏଥର ସରକାର ଗଢିବ ବୋଲି ଦଳ କରୁଥିବା ଦାବିର ଜବାବ ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ କହିଛନ୍ତି ଯେ, ରାଜ୍ୟରେ ସରକାର ଗଠନ ନେଇ ବିଜେପି କେବଳ ଦିବା ସ୍ୱପ୍ନ ଦେଖୁଛି । ବ୍ରହ୍ମପୁର ସଭାରେ ରାଜ୍ୟରେ ବିଜେପି ଏଥର ସରକାର ଗଢିବ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ । ତେବେ କାହା ନାଁ ନ ନେଇ ମୁଖ୍ୟମନ୍ତ୍ରୀ ଭିଡିଓ ରିଲିଜ ଜରିଆରେ କହିଛନ୍ତି ଯେ, ବିଜେପି ଦିନରେ ସ୍ବପ୍ନ ଦେଖୁଛି । ବହୁତ ଦିନ ହେଲା ବିଜେପି ଏହି ସ୍ୱପ୍ନ ଦେଖୁଛି ବୋଲି ମୁଖ୍ୟମନ୍ତ୍ରୀ କହିଛନ୍ତି।
ଖଡିଆଳ ନିର୍ବାଚନ ପ୍ରଚାରରେ ଥିବାବେଳେ ବିମାନରୁ ଭିଡ଼ିଓ ଜାରି କରି ନବୀନ କହିଛନ୍ତି ଯେ ବିଜେପି ଦିନରେ ସ୍ୱପ୍ନ ଦେଖୁଛି। ବିମାନରେ ଯିବା ବେଳେ ୫ଟି ଅଧ୍ୟକ୍ଷ ତଥା ବିଜେଡି ନେତା କାର୍ତ୍ତିକ ପାଣ୍ଡିଆନ ମୁଖ୍ୟମନ୍ତ୍ରୀଙ୍କୁ ପଚାରିଥିଲେ ଯେ ଏଥର ରାଜ୍ୟରେ ବିଜେପି ସରକାର ଗଢିବ ବୋଲି କହୁଛନ୍ତି। ଏହାର ଜାବବରେ ମୁଖ୍ୟମନ୍ତ୍ରୀ କହିଥିଲେ ବହୁତ ଦିନ ହେଲା ବିଜେପି ଦିନରେ ସ୍ୱପ୍ନ ଦେଖିଛନ୍ତି।