ଗୁଣୁପୁର : ସାବଧାନ୍ ସାବଧାନ୍ ବୁଲୁଛି ମହାବଳ ବାଘ । ସତର୍କ ରହିବାକୁ ସମସ୍ତଙ୍କୁ ଅନୁରୋଧ । ଡାକବାଜି ଯନ୍ତ୍ରରେ ଏମିତି କିଛି ଘୋଷଣା ଚାଲିଛି ଏକ ଗାଁରେ । କାହିଁକି ନା ପୁଣି ଏହି ଗାଁରେ ଦେଖିବାକୁ ମିଳିଛି ବାଘର ପାଦ ଚିହ୍ନ । ଗୁଣୁପୁର ଉପଖଣ୍ଡ ଗୁଡାରୀ ବନବିଭାଗ ରେଞ୍ଜ୍ ର ପଦ୍ମପୁର୍ ନିକଟସ୍ଥ ଇନ୍ଦୁପୁର ଅଣ୍ଡରୁଗୁଡା ରାଉତରଙ୍ଗା ଗାଁ କଥା ।
ଏହି ଗାଁ ନିକଟରେ ପୁଣି ଠାବ ହୋଇଛି ମହାବଳ ବାଘର ପାଦ ଚିହ୍ନ । ଯାହାକୁ ନେଇ ଅଞ୍ଚଳବାସୀ ଆତଙ୍କିତ। ରାତି ତ ଦୁରର କଥା ଦିନରେ ବି ଘରୁ ବାହାରିବାକୁ ଭୟ କରୁଛନ୍ତି ଲୋକେ । ଗତ ରବିବାର ଗୁଡାରି ବ୍ଲକ ଅନ୍ତର୍ଗତ କଦମା ପଂଚାୟତର ମେରେଣ୍ଡା ନିକଟସ୍ଥ ନଦୀ ବାଲି ଶଯ୍ୟାରେ ବାଘର ପାଦ ଚି଼ହ୍ନ ଠାବ କରିଥିଲା ଗୁଡାରୀ ବନ ବିଭାଗ। ଯାହାପରେ ଅଆତଙ୍କିତ ପରିସ୍ଥିତି ଦେଖାଯାଇଛି ଏହି ଗାଁରେ ।