କେନ୍ଦୁଝର, କେନ୍ଦୁଝର ଜିଲ୍ଲା ଝୁମ୍ପୁରା ବ୍ଲକ ଅନ୍ତର୍ଗତ ବସନ୍ତପୁର ରୁଗୁଡି ସେହିଠାରେ ପ୍ରତି ବର୍ଷ ପରି ଏ ବର୍ଷ ମଧ୍ୟ ପ୍ରଥମା ଅଷ୍ଟମୀ ଉପଲକ୍ଷେ ଭଗବାନ ଶ୍ରୀକୃଷ୍ଣଙ୍କ ନାମ ସଂକୀର୍ତ୍ତନ ଓ କାଳିଆ ଦୋଳନ ଲୀଳା ବୁଧବାର ସନ୍ଧ୍ୟାରେ ଉଦଯାପିତ ହୋଇ ଯାଇଛି। ଏହି କାର୍ଯ୍ୟକ୍ରମ ମଙ୍ଗଳବାର ଠାରୁ ଆରମ୍ଭ ହୋଇଥିବାବେଳେ ଏଥିରେ କେନ୍ଦୁଝର ଜିଲ୍ଲା ଧଳାଡିହ ସହିତ ସୁଦୂର ସୁନ୍ଦରଗଡ଼ ଜିଲ୍ଲା କମଣ୍ଡ ଗ୍ରାମର ରାଧାକୃଷ୍ଣ ସଂକୀର୍ତ୍ତନ ମଣ୍ଡଳିର ସଦସ୍ୟ ମାନେ ଯୋଗଦେଇ କୃଷ୍ଣଙ୍କ ବିଭିନ୍ନ ଲିଳାକୁ ଗୀତିନାଟ୍ୟ ମାଧ୍ୟମରେ ପରିବେଷଣ କରିଥିଲେ। ବହୁ ପୁରାତନ ଏହି ଅନୁଷ୍ଠାନର କୃଷ୍ଣଙ୍କ ଲିଳା ଦେଖିବାକୁ ଲଘୁଚାପ ଜନିତ ବର୍ଷା ସତ୍ତ୍ୱେ ବହୁ ଭିଡ଼ ପରିଲକ୍ଷିତ ହୋଇଥିଲା। ବସନ୍ତପୁର ରାଧାକୃଷ୍ଣ ସଂକୀର୍ତ୍ତନ ମଣ୍ଡଳୀର ସଭାପତି ବାଞ୍ଛାନିଧି ବାରିକ, ସମ୍ପାଦକ ନାରାୟଣ ବେହେରା ଓ ଶଙ୍କର୍ଷଣ ବେହେରା, ନାଥ ବାରିକ, ସୁଶାନ୍ତ ମହାକୁଡ଼, ସାନ୍ତୁନୁ ବାରିକ, ସୁରଥ ବେହେରା ପ୍ରମୁଖ କମିଟିର ସଦସ୍ୟ ମାନଙ୍କ ମିଳିତ ସହଯୋଗରେ ସମସ୍ତ କାର୍ଯ୍ୟ ସୁଚାରୁରୂପେ ସମ୍ପାଦିତ ହୋଇଥିଲା।
