ନୂଆପଡ଼ା : ନୂଆପଡା ପୋଲିସକୁ ମିଳିଛି ବଡ ସଫଳତା । ଛତିଶଗଡ଼ ସୀମାନ୍ତ ପାଟଦର୍ହା ଜଙ୍ଗଲ ନଙ୍ଗଲଘାଟ ଅଞ୍ଚଳରେ ଏକ ମାଓ କ୍ୟାମ୍ପ ଠାବ କରାଯାଇଛି । ମାଓ କ୍ୟାମ୍ପରୁ ବିପୁଳ ପରିମାଣର ସାମଗ୍ରୀ ଜବତ ହୋଇଛି ।
ଖବର ଅନୁଯାୟୀ, ଛତିଶଗଡ଼ ସୀମାନ୍ତ ପାଟଦର୍ହା ଜଙ୍ଗଲର ନଙ୍ଗଲଘାଟ ଅଞ୍ଚଳରେ ମାଓ କ୍ୟାମ୍ପ ଥିବା ପୋଲିସକୁ ଗୁଇନ୍ଦା ସୂଚନା ମିଳିଥିଲା । ଏହି ସୂଚନା ଆଧାରରେ ସୋମବାର ଦିନ ଏସଓଜି, ଡିଭିଏଫ ଓ ସିଆରପିଏଫ ମିଳିତ ଜଙ୍ଗଲରେ ଚଢାଉ କରିଥିଲେ । କମ୍ବିଂ ଅପରେସନ୍ ସମୟରେ ଜଙ୍ଗଲରୁ ଏକ ମାଓ କ୍ୟାମ୍ପ ଠାବ ହୋଇଥିଲା । ଏହି ମାଓ କ୍ୟାମ୍ପରୁ ଏକ୍ସପ୍ଲୋସିଭ ପାଉଡର, ଚକୋଲେଟ ବମ୍ ,ମେଡିସିନ , ପ୍ଲାଷ୍ଟିକ ଜାର ସହ ଅନେକ ରୋଷେଇ ସାମଗ୍ରୀ ଜବତ ହୋଇଛି । କିନ୍ତୁ ମାଓବାଦୀ ମାନେ ଛତ୍ରଭଙ୍ଗ ଦେଇଥିବା ଜଣାପଡିଛି । ସେପଟେ ସୁରକ୍ଷାବାହିନୀଙ୍କ ପକ୍ଷରୁ ଜଙ୍ଗଲରେ ବର୍ତ୍ତମାନ ବି କମ୍ବିଂ ଅପରେସନ୍ ଚାଲିଛି । ଏନେଇ ସୂଚନା ଦେଇଛନ୍ତି ନୂଆପଡା ଏସପି ଗୁଣ୍ଡାଲା ରେଡ୍ଡି ରାଘବେନ୍ଦ୍ର ।