ଭୁବନେଶ୍ୱର : ରାଜ୍ୟରେ ଏ ଯାଏଁ ମୌସୁମୀ ବର୍ଷାର ପରିମାଣ ଅତି ନିରାଶାଜନକ ରହିଛି । ଶ୍ରାବଣ ମାସରେ ମଧ୍ୟ ବର୍ଷା ଉଭାନ ହୋଇଯାଇଛି । ନିଅଣ୍ଟିଆ ବର୍ଷା ଯୋଗୁଁ ୨୨ଟି ଜିଲାରେ ସାଙ୍ଘାତିକ ପରିସ୍ଥିତି ସୃଷ୍ଟି ହୋଇଛି । କଳାହାଣ୍ଡି ଜିଲାରେ ଅବସ୍ଥା ଅତି ଖରାପ ରହିଛି। କଳାହାଣ୍ଡି ଜିଲାରେ ସ୍ୱାଭାବିକଠାରୁ ୬୬ ପ୍ରତିଶତ କମ୍ ବର୍ଷା ରେକର୍ଡ କରାଯାଇଛି। ଏହି ଜିଲାରେ ଭୀଷଣ ନିଅଣ୍ଟିଆ ବର୍ଷା ପରିସ୍ଥିତି ସୃଷ୍ଟି ହୋଇଛି।
ରାଜ୍ୟରେ ଏପର୍ଯ୍ୟନ୍ତ ୧୩ଟି ଜିଲାରେ ଅତି ନିଅଣ୍ଟିଆ ବର୍ଷା ହୋଇଛି । ଏସବୁ ଜିଲାରେ ସ୍ୱାଭାବିକଠାରୁ ୫୫ରୁ ୪୫ ପ୍ରତିଶତ କମ୍ ବର୍ଷା ହୋଇଛି। ବୌଦ୍ଧ, ସୁବର୍ଣ୍ଣପୁର, ଜଗତସିଂହପୁର, ଯାଜପୁର,ବଲାଙ୍ଗିର, କଟକ, କନ୍ଧମାଳ, ଗଂଜାମ, ରାୟଗଡ଼ା, ପୁରୀ, ନବରଙ୍ଗପୁର, କେନ୍ଦ୍ରାପଡ଼ା, ମୟୂରଭଂଜରେ ଅତି ନିଅଣ୍ଟିଆ ବର୍ଷା ହୋଇଛି।
ଜୁଲାଇ ୧୦ ପର୍ଯ୍ୟନ୍ତ ୩୪୬ ମିଲିମିଟର ବର୍ଷା ହେବ ବୋଲି ଆଶା କରାଯାଉଥିବା ବେଳେ ମାତ୍ର ୧୧୬ ମିଲିମିଟର ବର୍ଷା ହୋଇଛି । କେବଳ ଦେବଗଡ଼ ଓ ସମ୍ବଲପୁର ଜିଲାରେ ସ୍ୱାଭାବିକଠାରୁ ଅଧିକ ବର୍ଷା ରେକର୍ଡ କରାଯାଇଛି। ଦେବଗଡ଼ରେ ୧୭.୫ ଓ ସମ୍ବଲପୁରରେ ୫.୭ ପ୍ରତିଶତ ଅଧିକ ବର୍ଷା ରେକର୍ଡ କରାଯାଇଛି।