ବାସୁଦେବପୁର : ଭଦ୍ରକ ଜିଲା ବାସୁଦେବପୁର ଧାମରା ରାସ୍ତା କୁଆମର ଛକରେ ଦୁର୍ଘଟଣା । ବୋଲେରୋ ଧକ୍କାରେ ବୃଦ୍ଧ ମୃତ । ମୃତକ କୁଆମରା ଗାଁର ଜନ୍ମଞ୍ଜୟ ମଣ୍ଡଳ ବୋଲି ଜଣାପଡିଛି ।
ଖବର ଅନୁଯାୟୀ, ଜନ୍ମଞ୍ଜୟ ନିଜ ସାଇକେଲ ଯୋଗ ଘରକୁ ଫେରୁଥିଲେ । ଏହି ସମୟରେ ଧାମରା ଅଭିମୁଖେ ଯାଉଥିବା ଏକ ବୋଲେରୋ ତାଙ୍କ ଧକ୍କା ଦେଇଥିଲା । ଯାହାଫଳରେ ଜନ୍ମଞ୍ଜୟ ସାଇକେଲରୁ ଛିଟିକି ପଡିଯାଇଥିଲେ । ଏପିରିକି ତାଙ୍କ ମୁଣ୍ଡ ଓ ହାତରେ ଗଭୀର ଆଘାତ ଲାଗିଥିଲା । ଘଟଣାସ୍ଥଳରେ ଉପସ୍ଥିତ ଥିବା ସ୍ଥାନୀୟ ଲୋକେ ତୁରନ୍ତ ତାଙ୍କୁ ଉଦ୍ଧାର କରି ବାସୁଦେବପୁର ମେଡିକାଲରେ ଭର୍ତ୍ତି କରିଥିଲେ । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ସେପଟେ ଦୁର୍ଘଟଣା ଘଟାଇଥିବା ବୋଲେରୋ ଗାଡିଟି ଘଟଣାସ୍ଥଳରେ ଫେରାର ହେବାର ସକ୍ଷମ ହୋଇଛି । ପୋଲିସ ଘଟଣାର ଛାନ୍ଭିନ୍ ଆରମ୍ଭ କରିଛି । ପୁରା ଗାଁରେ ଶୋକର ପରିବେଶେ ସୃଷ୍ଟି ହୋଇଛି ।