ପାରାଦୀପ : ଜଗତସିଂହପୁର କୁଜଙ୍ଗ ବ୍ଲକ ଦୁଆଡିଆ ବାଲିସାହି ଗ୍ରାମରେ ଅଘଟଣ । ବିଦ୍ୟୁତ ଆଘାତରେ ଜଣଙ୍କର ମୃତ୍ୟୁ ହୋଇଥିବା ବେଳେ ୪ ଜଣ ଗୁରୁତର ହୋଇଛନ୍ତି । ଗୁରୁତରଙ୍କୁ କୁଜଙ୍ଗ ମେଡିକାଲରେ ଭର୍ତ୍ତି କରାଯାଇଛି । ମୃତକ ହେଲେ ୩୦ ବର୍ଷ ବୟସ୍କା ରାନୁ ବେହେରା ।
ସୂଚନା ଯେ, ସୋମବାର ସକାଳ ୧୦ଟାରେ ରାନୁ ବେହେରା ଗାଧୋଇ ସାରି ଘରକୁ ଫେରି ଘରେ ଥିବା ଇଲେକ୍ଟ୍ରି ବୋର୍ଡର ସୁଇଚ୍ ମାରିବା ସମୟରେ ବିଦ୍ୟୁତ ସଂସ୍ପର୍ଶରେ ଆସି ଯାଇଥିଲେ । ଇଲେକ୍ଟ୍ରି ବୋର୍ଡ ସର୍ଟ ହୋଇଥିବାରୁ ଏଭଳି ଘଟଣା ଘଟିଛି । ତେବେ ଝିଅକୁ ବଞ୍ଚେଇବାକୁ ଯାଇ ବାପା, ମା’, ଭାଇ ଓ ଜେଜେମା’ ଗୁରୁତର ହୋଇଥିବା ସୂଚନା ମିଳିଛି । ତେବେ ଭାଇର ଅବସ୍ଥା ଗୁରୁତର ହେବାରୁ ଜଗତସିଂହପୁର ମେଡ଼ିକାଲକୁ ସ୍ଥାନାନ୍ତର କରାଯାଇଥିବାର ସୂଚନା ମିଳିଛି ।