Site icon ଆଜିକାଲି

ଗୋପାଳପୁର ନିର୍ବାଚନମଣ୍ଡଳୀରେ ପାଣ୍ଡିଆନଙ୍କ ମେଗା ରୋଡ୍ ଶୋ’

ବ୍ରହ୍ମପୁର – ବିଜେଡିର ଷ୍ଟାର କ୍ୟାମ୍ପେନର କାର୍ତ୍ତିକ ପାଣ୍ଡିଆନ ବ୍ରହ୍ମପୁର ସଂସଦୀୟ କ୍ଷେତ୍ର ଅଧୀନସ୍ଥ ଗୋପାଳପୁର ବିଧାନସଭା ନିର୍ବାଚନ ମଣ୍ଡଳୀରେ ମେଗା ରୋଡ୍ ଶୋ’ କରି ଦଳୀୟ ପ୍ରାର୍ଥୀଙ୍କ ପାଇଁ ସମର୍ଥନ ଲୋଡିଛନ୍ତି।

ବର୍ଷା ସତ୍ତ୍ୱେ ପାଣ୍ଡିଆନଙ୍କ ୧୩ କିଲୋମିଟର ବ୍ୟାପୀ ରୋଡ୍ ଶୋ’ରେ ବିପୁଳ ଜନସମାଗମ ହୋଇଥିଲା । ଉତ୍ସାହୀ ପାର୍ଟି ନେତା, କର୍ମୀ ଓ ସମର୍ଥକଙ୍କ ସହ ଗୋପାଳପୁରଠାରୁ ରୋଡ୍ ଶୋ’ ଆରମ୍ଭ କରିଥିଲେ ପାଣ୍ଡିଆନ୍ । କରାପଲ୍ଲୀ, ଡୁରା, ଖୋଡାସିଂ, ଲାଞ୍ଜିପଲ୍ଲୀ ଓ ଲୋଚାପଡା ଦେଇ ଯାଇଥିଲା ପାଣ୍ଡିଆନଙ୍କ ରୋଡ୍ ଶୋ’ । ସବୁଠି ବିଜେଡି ନେତା କାର୍ତ୍ତିକ ପାଣ୍ଡିଆନଙ୍କୁ ଜୋରଦାର ସ୍ୱାଗତ କରାଯାଇଥିଲା ।

ଏହି ରୋଡ୍ ଶୋ’ରେ ପାଣ୍ଡିଆନଙ୍କ ସହ ବ୍ରହ୍ମପୁର ଲୋକସଭା ପ୍ରାର୍ଥୀ ଭୃଗୁ ବକ୍ସିପାତ୍ର ଓ ବିଧାନସଭା ପ୍ରାର୍ଥୀ ବିକ୍ରମ ପଣ୍ଡା ସାମିଲ ହୋଇଥିଲେ । ବିଜେଡି ପ୍ରାର୍ଥୀଙ୍କୁ ବିପୁଳ ଭୋଟରେ ଜିତାଇବା ପାଇଁ ଆହ୍ୱାନ ଦେଇଥିଲେ କାର୍ତ୍ତିକ ପାଣ୍ଡିଆନ।

FacebookTwitterLinkedinWhatsapp
Exit mobile version