ମାଧିପୁରା : ବିଜେପି କାର୍ଯ୍ୟକ୍ରମ ଚାଲିଥିବା ବେଳେ ଫୁଟିଲା ଗୁଳି। ଏଥିରେ ବିଜେପି କର୍ମୀ ଆହତ ହୋଇଥିବା ସୂଚନା ମିଳିଛି। ରବିବାର ବିହାରର ମାଧିପୁରା ଜିଲ୍ଲା ମୁରୀଲଗଞ୍ଜର ବିଜେପି ଏକ କାର୍ଯ୍ୟକ୍ରମର ଆୟୋଜନ କରିଥିଲା। ଏଥିରେ ଅଭିଯୁକ୍ତ ପଙ୍କଜ ପଟେଲ ଏକାଧିକ ରାଉଣ୍ଡ ଗୁଳି ଫାୟାର କରିଥିଲେ। ଅବିଯୁକ୍ତକୁ ଗିରଫ କରାଯାଇଛି।
କାର୍ଯ୍ୟକ୍ରମ ସମୟରେ ପଙ୍କଜ ଓ ଆହତ ସଞ୍ଜୟ ଭଗତଙ୍କ ଗ୍ରୁପ୍ ମଧ୍ୟରେ ବଚସା ହୋଇଥିଲା। ଏଥିରେ ପଙ୍କଜ ଗୁଳିମାଡ଼ କରିଥିଲେ। ଯାହା ସଞ୍ଜୟଙ୍କ ଗୋଡ଼ରେ ବାଜିବାରୁ ସେ ଆହତ ହୋଇଛନ୍ତି। ପଙ୍କଜ ତାଙ୍କ ଲାଇସେନ୍ସ ପ୍ରାପ୍ତ ବନ୍ଧୁକରୁ ଏକାଧିକ ରାଉଣ୍ଡ ଗୁଳି ଚଳାଇଥିଲେ। ଭଗତଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି।