କେନ୍ଦୁଝର, ଚମ୍ପୁଆ ଉପଜିଲ୍ଲାପାଳ ଭାବେ ଉମାକାନ୍ତ ପରିଡା ବିଧବଦ୍ଧ ଭାବେ ଦାୟିତ୍ୱ ଗ୍ରହଣ କରିବା ପରେ ତାଙ୍କୁ ବିଭିନ୍ନ ମହଲରୁ ସମ୍ବର୍ଦ୍ଧନା ଦିଆ ଯାଇଥିବା ବେଳେ ଆଜି ଚମ୍ପୁଆ ନିର୍ବାଚନମଣ୍ଡଳୀର ବରିଷ୍ଠ ବିଜେପି ନେତା ତଥା ବିଜେପି କୃଷକ ମୋର୍ଚ୍ଚା ପୂର୍ବତନ ରାଜ୍ୟ ସଂଯୋଜକ ତଥା କେନ୍ଦୁଝର ଜିଲ୍ଲା ପୂର୍ବତନ ଜିଲ୍ଲା କାର୍ଯ୍ୟକାରିଣୀ ସଦସ୍ୟ ସମାଜସେବୀ ଶ୍ରୀମନ୍ତ କୁମାର ତ୍ରିପାଠୀ ଓ ପୂର୍ବତନ ଜିଲ୍ଲା ପରିଷଦ ଚେୟାରମ୍ୟାନ ମହେନ୍ଦ୍ର ପ୍ରଧାନ ଉପଜିଲ୍ଲାପାଳଙ୍କୁ ପୁଷ୍ପ ଗୁଚ୍ଛ ଦେଇ ସମ୍ବର୍ଦ୍ଧନା ଜଣାଇଛନ୍ତି। ଉପଜିଲ୍ଲାପାଳ ଶ୍ରୀ ପରିଡା ପୂର୍ବରୁ ଝୁମ୍ପୁରା ବିଡିଓ ଭାବେ କାର୍ଯ୍ୟ ତୁଲାଇବା ସହିତ ଭୋଗରାଇ ବିଡ଼ିଓ ଭାବେ ମଧ୍ୟ କାର୍ଯ୍ୟ କରିଛନ୍ତି। ଜଣେ ଦକ୍ଷ ପ୍ରଶାସକ ଭାବେ ପରିଚିତ ଶ୍ରୀ ପରିଡା ପଦୋନ୍ନତି ପାଇ ଚମ୍ପୁଆ ଉପଜିଲ୍ଲାପାଳ ଭାବେ ଦାୟିତ୍ବ ଗ୍ରହଣ କରିବା ପରେ ଆଜି ସମାଜସେବୀ ଶ୍ରୀ ତ୍ରିପାଠୀ ନୂତନ ଉପଜିଲ୍ଲାପାଳଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ ସମ୍ବର୍ଦ୍ଧନା ଜଣାଇଛନ୍ତି। ତେବେ ଏହି ସମ୍ବର୍ଦ୍ଧନା ଅବସରରେ ସମାଜସେବୀ ଶ୍ରୀମନ୍ତ କୁମାର ତ୍ରିପାଠୀ ଉପଜିଲ୍ଲାପାଳ ଉମାକାନ୍ତ ପରିଡାଙ୍କ ସହିତ ଚମ୍ପୁଆ ଉପଖଣ୍ଡ ର ଉନ୍ନତି ପାଇଁ ତଥା ଚମ୍ପୁଆର ବିକାଶ ଓ ସାଧାରଣ ଲୋକଙ୍କୁ କିପରି ପ୍ରଶାସନ ଠାରୁ ସମସ୍ତ ସୁବିଧା ସୁଯୋଗ ମିଳି ପାରିବ ଏବଂ ଲୋକଙ୍କ ସମସ୍ୟାର ସମାଧାନ କିପରି ଶୀଘ୍ର ହୋଇ ପାରିବ ତା ଉପରେ ପୁଙ୍ଖାନୁପୁଙ୍ଖ ଆଲୋଚନା କରିଥିବା ଜଣା ପଡିଛି।
