ଗାଁ ଦାଣ୍ଡରୁ ଯୁବକଙ୍କ ରକ୍ତାକ୍ତ ମୃତଦେହ ଉଦ୍ଧାର, ଥାନାରେ ଅଭିଯୋଗ

ଖୋର୍ଦ୍ଧା: ଖୋର୍ଦ୍ଧା ବୋଲଗଡ ମାଣିବନ୍ଧ ପଞ୍ଚାୟତ ବଡନୟାପଲ୍ଲୀ ଗାଁରେ ଅଭାବନୀୟ ଘଟଣା ଘଟିଛି। ଗାଁ ଦାଣ୍ଡରେ ପଡିଛି ଯୁବକଙ୍କ ରକ୍ତାକ୍ତ ମୃତଦେହ। ପୂର୍ବ ଶତ୍ରୁତାରୁ ହତ୍ୟାକାଣ୍ଡ ଘଟିଥିବା ସୂଚନା ମିଳିଛି। ମୃତକ ଶିବ ନାୟକ ବୋଲି ଜଣାପଡିଛି। ସୂଚନା ମୂତାବକ ପ୍ରତିଦିନ ଭଳି ଶନିବାର ରାତିରେ ଶିବ ବେପାର ସାରି ଘରକୁ ଫେରୁଥିଲେ। ଫେରିବା ସମୟରେ ଗାଁର ଜଣେ ବ୍ୟକ୍ତିଙ୍କ ସହ ତାଙ୍କର କୌଣସି କଥାକୁ ନେଇ ବଚସା ହୋଇଥିଲା। ଯୁକ୍ତିତର୍କ ପରେ ଗାଁର କିଛି ବ୍ୟକ୍ତି ତାଙ୍କୁ ପିଟି ପିଟି ହତ୍ୟା କରିଥିବା ଅଭିଯୋଗ ହୋଇଛି। ରବିବାର ଏ ନେଇ ପରିବାର ଲୋକ ଥାନାରେ ଅଭିଯୋଗ କରିଛନ୍ତି । ପରେ ପୁଲିସ୍ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।