ବାଙ୍କୀ : ଏକ ନିଶ୍ଚିତ ଦୁର୍ଘଟଣାରୁ ରକ୍ଷା ପାଇଲା ଯାତ୍ରୀବାହୀ ବସ୍ । ରକ୍ଷା ପାଇଗଲେ ସମସ୍ତ ଯାତ୍ରୀ। ଅନୁଗୁଳରୁ ଭୁବନେଶ୍ୱର ଆସୁଥିବା ବସଟି ଦୁର୍ଘଟଣାଗ୍ରସ୍ତ ହୋଇ ଜାତମୁଣ୍ଡିଆ-ସୁବର୍ଣ୍ଣପୁର ବ୍ରିଜରେ ଲଟକି ଯାଇଥିଲା । ତେବେ ବସର ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି। ବସର ସମ୍ମୁଖ ଭାଗ ଝୁଲନ୍ତା ଅବସ୍ଥାରେ ରହିଛି ।
ଦୁର୍ଘଟଣାଗ୍ରସ୍ତ ହୋଇ ମହାନଦୀ ବ୍ରିଜ ତଳକୁ ଝୁଲି ରହିଥିବା ଏକ ଯାତ୍ରୀବାହୀ ବସକୁ ବ୍ରିଜରୁ ସୁରକ୍ଷିତ ଭାବେ କ୍ରେନ ଦ୍ୱାରା ଉଠାଇ ଦିଆଯାଇଛି । ଅନୁଗୋଳରୁ ଭୁବନେଶ୍ବର ଆସୁଥିବା ବେଳେ ଦୁର୍ଘଟଣାଗ୍ରସ୍ତ ହୋଇ ଜାତମୁଣ୍ଡିଆ – ସୁବର୍ଣ୍ଣପୁର ବ୍ରିଜରୁ ମହାନଦୀ ତଳକୁ ଝୁଲି ପଡ଼ିଥିଲା ବସ୍ । ବ୍ରିଜ ସୁରକ୍ଷା ବାଡ଼ ଭାଙ୍ଗି ନଦୀକୁ ଝୁଲି ପଡ଼ିଥିଲା ବସ୍ଟି ପ୍ରାୟ ୧୦ ଫୁଟ ଆଗକୁ ମାଡ଼ି ଯାଇ ନଦୀକୁ ଝୁଲି ପଡ଼ିଥିଲା ।ସୁରକ୍ଷା ବାଡ଼ ମାଡ଼ରେ ବସ୍ର ଗୋଟିଏ ଆଗ ଚକ ବାହାରି ପଡିଥିଲା । ସୌଭାଗ୍ୟବଶତଃ ବସରେ ଥିବା ସମସ୍ତ ୬୦ ଯାତ୍ରୀଙ୍କ କୌଣସି କ୍ଷୟକ୍ଷତି ହୋଇନାହିଁ।ବସ୍ଟି ନଦୀକୁ ନ ଖସିବାରୁ ଏକ ବଡ଼ ଅଘଟଣ ଟଳିଯାଇଛି ।