ଢେଙ୍କାନାଳ : ଢେଙ୍କାନାଳ ବନଖଣ୍ଡର ସଦର ବନାଚଳ କାକୁଡିଭାଗ ପଞ୍ଚାୟତରେ ଅଭାନୀୟ ଘଟଣା । ଶୌଚ ହେବାକୁ ଯାଇଥିବା ବୃଦ୍ଧଙ୍କୁ କଚାଡି ଦେଲା ହାତୀ । ଯାହାଫଳରେ ଘଟଣାସ୍ଥଳରେ ହିଁ ମୃତ୍ୟୁ ଘଟିଛି । ମୃତକ ହେଲେ କାକୁଡି ଭାଗ ପଞ୍ଚାୟତ ଗୁହାଳ ଡିହ ଗାଁର ଜୟା ନନ୍ଦ ସାହୁ।
ସୂଚନା ଯେ, ଜୟା ନନ୍ଦ ରବିବାର ଭୋର ସମୟରେ ତାଙ୍କ ଘର ବାଡ଼ି ପଛ ପଟକୁ ଶୌଚ ହେବାକୁ ଯାଇଥିଲେ । ଗାଁକୁ ପଶି ଆସିଥିବା ଏକ ହାତୀ ତାଙ୍କୁ ଶୁଣ୍ଢରେ ଟେକି କଚାଡି ମରିଦେଇଥିଲା । ଚିତ୍କାର ଶୁଣି ପରିବାର ଓ ଗାଁ ଲୋକ ଆସି ପାଟି କରିବାରୁ ହାତୀଟି ଜଙ୍ଗଲକୁ ପଳାଇଯାଇଥିବା ଜଣାପଡିଛି । ଖବର ପାଇଁ ସଦର ବନ କର୍ମଚାରୀ ପହଞ୍ଚି ମୃତଦେହ ଉଦ୍ଧାର କରି ବ୍ୟବଛେଦ ପାଇଁ ପଠାଇଛନ୍ତି।