ବୌଦ୍ଧ : ବୌଦ୍ଧ ଜିଲା କଣ୍ଟାମାଳ ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା। ଦୁଇ ବାଇକ୍ ମଧ୍ୟରେ ମୁହାଁମୁହିଁ ଧକ୍କା। ଦୁର୍ଘଟଣାରେ ଜଣେ ଆରୋହୀଙ୍କର ମୃତ୍ୟୁ ହୋଇଥିବା ବେଳେ ଅନ୍ୟଜଣେ ଗୁରୁତର । ମୃତକ ହେଲେ କଣ୍ଟାମାଳ ଅଞ୍ଚଳର ଲୁଲୁ ବାଘ । ଗୁରୁତର ଜଣକ ବନ୍ଧପାଲି ଗ୍ରାମର ବାବୁଲି ହାତୀ । ଗୁରୁତରଙ୍କୁ ସୁବର୍ଣ୍ଣପୁର ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ସୂଚନା ଯେ, କଣ୍ଟାମାଳ ଗ୍ରାମର ଲାଲୁ ବାଘ ସୋନପୁରରୁ ତାଙ୍କ କାମ ସାରି ଖଲିଆପାଲି ରାସ୍ତା ଦେଇ ଘରକୁ ଫେରୁଥିଲେ । ଏହି ସମୟରେ କଣ୍ଟାମାଳ ପଟରୁ ଅନ୍ୟ ଏକ ବାଇକରେ ବନ୍ଧପାଲି ଗ୍ରାମର ବବୁଲୁ ଆସୁଥିବା ବେଳେ ହଠାତ୍ ଦୁହିଁଙ୍କ ବାଇକ ମୁହାଁ ମୁହିଁ ଧକା ହୋଇଥିଲା । ଘଟଣା ସ୍ଥଳରେ ହିଁ ଲୁଲୁଙ୍କ ମୃତ୍ୟୁ ହୋଇ ଯାଇଥିବା ବେଳେ ଗୁରୁତରଙ୍କୁ କଣ୍ଟାମାଳ ଅଗ୍ନିଶମ ବିଭାଗ ଉଦ୍ଧାର କରି କଣ୍ଟାମାଳ ସ୍ବାସ୍ଥ୍ୟ କେନ୍ଦ୍ରକୁ ନେଇ ଥିଲେ । ସେଠାରେ ତାଙ୍କର ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ରେଫର କରାଯାଇଛି । ସେପଟେ ଘଟଣା ସ୍ଥଳରେ କଣ୍ଟାମାଳ ପୋଲିସ ପହଞ୍ଚି ତଦନ୍ତ ଜାରି ରଖିଛି ।