ବଲାଙ୍ଗୀର: ପାଟଣାଗଡ଼ ରାମପୁର ପେଟ୍ରୋଲ ପମ୍ପ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ବସ୍-ବାଇକ୍ ମଧ୍ୟରେ ମୁହାଁମୁହିଁ ଧକ୍କା । ଦୁର୍ଘଟଣାରେ ଦୁଇ ଜଣଙ୍କ ମୃତ୍ୟୁ । ମୃତକ ଦ୍ବୟ ହେଲେ ତୁଷୁରା ଥାନା ନୁଆଁପଡ଼ା ଗାଁର ଅସିତ ମେହେର ଏବଂ ମଳୟ ମନହିରା । ଉଭୟ ଘନିଷ୍ଠ ବନ୍ଧୁ ଅଟନ୍ତି ।
ସୂଚନା ଯେ, ବଲାଙ୍ଗିର ଜିଲା ତୁଷୁରା ଥାନା ନୁଆପଡ଼ା ଗାଁର ଦୁଇ ବନ୍ଧୁ ଏକ ବାହାଘରରେ ଯୋଗଦେବାକୁ ଯାଇଥିବା ବେଳେ ପାଟଣାଗଡ଼ ରାମପୁର ପେଟ୍ରୋଲ ପମ୍ପ ନିକଟରେ ବସ୍ ସହ ବାଇକ୍ ମୁହାଁମୁହିଁ ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ ହିଁ ଦୁଇଜଣଙ୍କ ଜୀବନ ଚାଲି ଯାଇଥିଲା । ତେବେ ଘଟଣାସ୍ଥଳରୁ ବସ୍ ଡ୍ରାଇଭର ଫେରାର ହୋଇଯାଇଛି । ପାଟଣାଗଡ଼ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଥିବା ବେଳେ ବସକୁ ଥାନାକୁ ଆଣି ତଦନ୍ତ ଚଳାଇଛି । ପାରିପାର୍ଶ୍ବକ ପରିସ୍ଥିତିକୁ ଅନୁମାନ କଲେ ଦ୍ରୁତଗତି ପାଇଁ ଏହି ଦୁର୍ଘଟଣା ଘଟିଥିବା ଅନୁମାନ କରାଯାଉଛି ।