କେନ୍ଦୁଝର, କେନ୍ଦୁଝର ଜିଲ୍ଲା ର ଅଗ୍ରଣୀ ସ୍ବେଛାସେବୀ ଅନୁଷ୍ଠାନ ‘ଓସ୍କା’ ର ୩୦ତମ ପ୍ରତିଷ୍ଠା ଦିବସ ସ୍ଥାନୀୟ ସଂସ୍କୃତି ଭବନ ରେ ଅନୁଷ୍ଠିତ ହୋଇଯାଇଛି, ଜିଲ୍ଲା ବନଖଣ୍ଡ ଅଧିକାରୀ ଧନରାଜ ଏଚଡି ମୁଖ୍ୟ ଅତିଥିଭାବେ ଯୋଗଦେଇ ଅନୁଷ୍ଠାନ ର ଉନ୍ନତି କାମନା କରିଥିଲେ । ସମ୍ପାଦିକା ଶ୍ରୀମତୀ ଧରିତ୍ରୀ ରାଉତ ବିବରଣୀ ପ୍ରଦାନ କରିବା ସହିତ ଏହାର ଜୟଯାତ୍ରା ର ଇତିହାସ ବ୍ୟାଖ୍ୟା କରିଥିଲେ । ଏହି ଅନୁଷ୍ଠାନ ତିନିଶହ ରୁ ଉର୍ଧ୍ଵ ସଦସ୍ୟ ଙ୍କ ସହଯୋଗ ରେ ଜିଲ୍ଲାର ପ୍ରତିଟି ଅଗମ୍ୟ ଅଂଚଳ ରେ ମହିଳା ଙ୍କ ବିକାଶ ପାଇଁ ଅନୁଷ୍ଠାନ ର କାର୍ଯ୍ୟାଧାରା ଲୋକଙ୍କ ଭିତରେ ବିଶ୍ୱାସ ଓ ଆତ୍ମବିଶ୍ୱାସ ଜାଗ୍ରତ କରି ଆଗେଇଚାଲିଛି । ଉପସଭାପତି ଶ୍ରୀମତୀ ସୁନିତା ମହାନ୍ତି, ବରିଷ୍ଠ ସଦସ୍ୟ ମିଲନ ମିଶ୍ର କାର୍ଯ୍ୟକ୍ରମ ଅଧିକାରୀ ମାନସିଂ ଦୁର୍ଗା ପ୍ରସାଦ ନାୟକ ନିଜର ଅଭିଜ୍ଞତା ବ୍ୟାଖ୍ୟା କରିଥିଲେ । ପରିଶେଷରେ ସଦସ୍ୟ ସଦସ୍ୟା ମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ ।
