ମୁମ୍ଵାଇ : ଝାଡଖଣ୍ଡର ପ୍ରସିଦ୍ଧ ଅଭିନେତ୍ରୀ ରିୟା କୁମାରୀଙ୍କୁ ହତ୍ୟା। ରିୟା ଟିଭି ଇଣ୍ଡଷ୍ଟ୍ରିର ଏକ ଜଣାଶୁଣା ନାମ ଏବଂ ଚେହେରା ଥିଲେ। ଏହି ଅଭିନେତ୍ରୀଙ୍କ ଠାରୁ କିଛି ଦୁର୍ବୁର୍ତ୍ତ ଲୁଟିବାକୁ ଚେଷ୍ଟା କରିଥିଲେ, କିନ୍ତୁ ଏଥିରେ ବିଫଳ ହେବା ପରେ ସେମାନେ ରିୟାଙ୍କୁ ରାଗରେ ସର୍ବସାଧାରଣ ସ୍ଥାନରେ ଗୁଳି ମାରିଥିଲେ। ଯେଉଁଥିରେ ଘଟଣାସ୍ଥଳରେ ରିୟାଙ୍କର ମୃତ୍ୟୁ ହୋଇଥିଲା ।
ସୂଚନା ଯେ, ଘଟଣାଟି ପଶ୍ଚିମବଙ୍ଗର ରାଜପଥରେ ଘଟିଛି। ରିୟା ତାଙ୍କ ସ୍ୱାମୀ ପ୍ରକାଶ କୁମାର ଏବଂ ୨ ବର୍ଷର ଝିଅ ସହିତ କାରରେ ଯାତ୍ରା କରୁଥିଲେ । ଗଣମାଧ୍ୟମ ରିପୋର୍ଟ ଅନୁଯାୟୀ, ଡିସେମ୍ବର ୨୮ରେ ସକାଳେ ପ୍ରାୟ ୬ଟା ସମୟରେ ବାଗନାନ ମହେଶ ଖେଡା ବ୍ରିଜ୍ ନିକଟରେ ଅଭିନେତ୍ରୀଙ୍କ ସ୍ଵାମୀ କାରକୁ ଅଟକାଇ ଥିଲେ। ଏହି ସମୟରେ କିଛି ଦୁର୍ବୁତ୍ତ ସେମାନଙ୍କୁ ଲୁଟ୍ପାଟ କରିଥିଲେ। ତା’ପରେ ଅଭିନେତ୍ରୀ ମଝିରେ ଆସି ଦୁର୍ବୁତ୍ତଙ୍କୁ ରୋକିବାକୁ ଚେଷ୍ଟା କରିଥିଲେ । ଏହା ଦେଖି ସେମାନେ ରାଗି ଯାଇଥିଲେ ସେମାନଙ୍କ ଉପରେ ଗୁଳି ଚଳାଇ ଦେଇଥିଲେ । ଯେଉଁଠାରେ ରିୟାଙ୍କର ମୃତ୍ୟୁ ହୋଇଥିଲା । ବର୍ତ୍ତମାନ ପୋଲିସ ରିୟା କୁମାରୀଙ୍କ ମୃତଦେହ ଉଦ୍ଧାର କରି ଘଟଣାର ତଦନ୍ତ ଆରମ୍ଭ କରିଛି। ସେହି ଅଞ୍ଚଳର ସିସିଟିଭି ଫୁଟେଜକୁ ମଧ୍ୟ ପୋଲିସ ତଦନ୍ତ କରୁଛି।