ନୂଆଦିଲ୍ଲୀ: ଆହତ କାରଣରୁ ଅଷ୍ଟ୍ରେଲିଆନ ଓପନ ୨୦୨୪ ମୁକାବିଲାରୁ ଓହରିଲେ ୨୨ ଗ୍ରାଣ୍ଡ ସ୍ଲାମ୍ ବିଜେତା ସ୍ପେନ୍ ଟେନିସ୍ ଷ୍ଟାର୍ ରାଫେଲ ନାଡାଲ୍। ବ୍ରିସ୍ବେନ୍ ଇଣ୍ଟରନ୍ୟାସ୍ନାଲରେ ଅଷ୍ଟ୍ରେଲିଆର ଜର୍ଡନ ଥମ୍ପସନଙ୍କ ମ୍ୟାଚ୍ ଖେଳୁଥିବା ବେଳେ ତାଙ୍କ ମାଂସପେଶୀରେ ଆଘାତ ଲାଗିଥିଲା। ଏହି ମ୍ୟାଚ୍ରେ ନାଡାଲ ହାରିଯାଇଥିଲେ।
ମୁକାବିଲାରୁ ଓହରିଯିବା ନେଇ ରାଫେଲ ନାଡାଲ ନେଡି ଏକ୍ସରେ ପୋଷ୍ଟ କରି ସୂଚନା ଦେଇଛନ୍ତି। ତାଙ୍କର ମାଇକ୍ରୋ ମସଲ ଟିଅର ହୋଇଛି। ଏଥିପାଇଁ ସେ ସ୍ପେନ୍ ଫେରିଆସି ଚିକିତ୍ସା କରିବା ଓ ରେଷ୍ଟ ନେବେ ବୋଲି ନାଡାଲ କହିଛନ୍ତି। ଏହା ପୂର୍ବରୁ ତାଙ୍କର ହିପ୍ ସର୍ଜରୀ ହୋଇଥିଲା। ସର୍ଜରୀ ପରେ ସେ ମୈଦାନକୁ ଓହ୍ଲାଇଥିଲେ। ହେଲେ ଏବେ ପୁଣିଥରେ ତାଙ୍କର ମସଲ ଟିଅର ହୋଇଛି।