ନୂଆଦିଲ୍ଲୀ : ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ଦଳ ଆଇପିଏଲର ଆଗାମୀ ସିଜିନ ପାଇଁ ଆଣ୍ଡି ଫ୍ଲାଓ୍ବାରଙ୍କୁ ମୁଖ୍ୟ କୋଚ୍ ଭାବେ ନିଯୁକ୍ତ କରିଛି । ଆଇପିଏଲ୍ ୨୦୨୩ରେ ଆରସିବି ଷଷ୍ଠ ସ୍ଥାନରେ ରହିଥିଲା | ଏହି ଫ୍ରାଞ୍ଚାଇଜ୍ କ୍ରିକେଟ୍ ଅପରେସନ୍ସର ଡାଇରେକ୍ଟର ମାଇକ୍ ହେସନ୍ ଏବଂ ମୁଖ୍ୟ କୋଚ୍ ସଞ୍ଜୟ ବାଙ୍ଗରଙ୍କ ସହ ସମ୍ପର୍କ ଛିନ୍ନ କରିଛି | ଗତ ଦୁଇ ସିଜନ ଧରି ଆଣ୍ଡି ଫ୍ଲାଓ୍ବାର୍ ଲକ୍ଷ୍ନୌ ସୁପରଜାଏଣ୍ଟସ୍ ଦଳର କୋଚ୍ ଥିଲେ | ଏବେ ଲକ୍ଷ୍ନୌ ଅଷ୍ଟ୍ରେଲିଆର ପୂର୍ବତନ ଟେଷ୍ଟ ଓପନର୍ ଜଷ୍ଟିନ ଲେଙ୍ଗରଙ୍କୁ ନିଜ କୋଚ୍ ଭାବେ ନିଯୁକ୍ତ କରିଛି।
ମାଇକ୍ ହେସନ୍ ଏବଂ ମୁଖ୍ୟ କୋଚ୍ ସଞ୍ଜୟ ବଙ୍ଗରଙ୍କ ଚୁକ୍ତି ନବୀକରଣ ହେବ ନାହିଁ ବୋଲି ମଧ୍ୟ ଆରସିବି ଫ୍ରାଞ୍ଚାଇଜ୍ ସ୍ପଷ୍ଟ କରିଛି । ଉଭୟ ଗତ ୪ ବର୍ଷ ଧରି ଆରସିବି ସହିତ ଜଡ଼ିତ ଥିଲେ। ବିରାଟ କୋହଲି ପ୍ରାୟ ୧୧ ବର୍ଷ ଆରସିବିର ନେତୃତ୍ବ ନେଇଥିଲେ | ବର୍ତ୍ତମାନ ଗତ ଦୁଇ ସିଜନ ଧରି ଫାଫ୍ ଡୁପ୍ଲେସି ଆରସିବିର ଅଧିନାୟକ ଅଛନ୍ତି। ତେବେ ଦଳ ଏଯାବତ୍ ଆଇପିଏଲ୍ ଟ୍ରଫି ଜିତିପାରି ନାହିଁ ।