ଆଲାପୁଝା (କେରଳ): କେରଳର ଆଲାପୁଝା ଜିଲ୍ଲାର ଦୁଇଟି ସ୍ଥାନରେ ବାର୍ଡ ଫ୍ଲୁ ବ୍ୟାପିଥିବା ସୂଚନା ମିଳିଛି। ଜିଲ୍ଲାର ଇଡାଥା ଗ୍ରାମ ପଞ୍ଚାୟତର ୱାର୍ଡ ନମ୍ବର ୧ ଓ ଚେରୁଥାନା ଗ୍ରାମ ପଞ୍ଚାୟତର ୱାର୍ଡ ନମ୍ବର ୩ରେ କିଛି ଗୃହପାଳିତ ବତକଙ୍କ ଠାରେ ବାର୍ଡ ଫ୍ଲୁ ଚିହ୍ନଟ ହୋଇଛି।
ବାର୍ଡ ଫ୍ଲୁର ଲକ୍ଷଣ ଥିବା ବତକଙ୍କ ନମୁନା ପରୀକ୍ଷା ପାଇଁ ଭୋପାଳର ଏକ ଲାବୋରେଟୋରୀକୁ ପଠାଯିବା ପରେ ଏହା ନିଶ୍ଚିତ ହୋଇଥିଲା। ନମୁନରେ ଏଭିଆନ୍ ଇନଫ୍ଲୁଏଞ୍ଜା (ଏଚ୍୫ଏନ୍୧) ମିଳିଥିବା ଜଣେ ଜିଲ୍ଲା ପ୍ରଶାସନ ଅଧିକାରୀ ସ୍ପଷ୍ଟ କରିଛନ୍ତି।
ଏଭଳି ପରିସ୍ଥିତିରେ ଭାରତ ସରକାରଙ୍କ ଆକ୍ସନ ପ୍ଲାନ ଅନୁଯାୟୀ, ଜିଲ୍ଲା ମାଜିଷ୍ଟ୍ରେଟଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ବାର୍ଡ ଫ୍ଲୁ ଆକ୍ରାନ୍ତ ପକ୍ଷୀ ମିଳିଥିବା ସ୍ଥାନରୁ ଏକ କିଲୋମିଟର ପରିଧି ଭିତରେ ପାଳିତ ପକ୍ଷୀମାନଙ୍କୁ ମାରିବା ପାଇଁ ନିଷ୍ପତ୍ତି ନିଆଯାଇଛି।
