ମୁମ୍ଵାଇ : ଆମେରିକାର ମିସୋରୀର କେନସସ୍ ସିଟିରେ ଗୁଳି ବିନିମୟ ଘଟଣା ସାମ୍ନାକୁ ଆସିଛି। ଗୁଳି ବିନିମୟରେ ଜଣଙ୍କର ମୃତ୍ୟୁ ଘଟିଥିବା ବେଳେ ପ୍ରାୟ ୨୨ ଜଣ ଆହତ ହୋଇଛନ୍ତି। ୭ ଜଣ ଗୁରୁତର ଅଛନ୍ତି । ରିପୋର୍ଟ ଅନୁଯାୟୀ, କେନସସ୍ ସିଟିରେ ଚିଫ୍ଙ୍କ ସୁପର ବୋଲର ବିଜୟ ପରେ ନିଆଯାଇଥିବା ପରେଡରେ ଏହି ଗୁଳି ବିନିମୟ ହୋଇଛି। ଗୁଳି ବିନିମୟରେ ଜଣଙ୍କର ମୃତ୍ୟୁ ହୋଇଥିବାବେଳେ ଅନେକ ଲୋକ ଆହତ ହୋଇଛନ୍ତି। ଏନେଇ କେନସସ୍ ସିଟି ପୋଲିସ୍ ବିଭାଗର ମୁଖ୍ୟ ଷ୍ଟାସି ଗ୍ରେଭସ୍ ସୂଚନା ଦେଇଛନ୍ତି। ୟୁନିୟନ ଷ୍ଟେସନର ପଶ୍ଚିମ ପାର୍କିଂ ଗ୍ୟାରେଜ ନିକଟରେ ଏହି ଗୁଳି ବିନିମୟ ହୋଇଥିଲା, ଯେଉଁଠାରେ ଉତ୍ସବ ପାଳନ କରିବାକୁ ବହୁ ସଂଖ୍ୟାରେ ଲୋକ ଏକତ୍ରିତ ହୋଇଥିଲେ।
ପୋଲିସ ମୁଖ୍ୟ ଷ୍ଟାସି ଗ୍ରେଭସ୍ କହିଛନ୍ତି ଯେ ଏହି ଘଟଣାରେ ତିନି ଜଣଙ୍କୁ ଅଟକ ରଖାଯାଇଛି । ଘଟଣା ବିଷୟରେ ସେମାନଙ୍କୁ ପଚରାଉଚରା କରାଯାଉଛି। ଗୁଳି ବିନିମୟର କାରଭ କଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ରିପୋର୍ଟକୁ ସ୍ୱୀକାର କରିଛନ୍ତି ଯେ ଲୋକମାନେ ଜଣେ ସନ୍ଦିଗ୍ଧ ଆକ୍ରମଣକାରୀଙ୍କୁ ଗୋଡ଼ାଇ ଗୋଡାଇ କାବୁ କରିଥିଲେ। ଅନୁସନ୍ଧାନକାରୀମାନେ ଘଟଣାର ଭିଡିଓ ଫୁଟେଜକୁ ସକ୍ରିୟ ଭାବରେ ସମୀକ୍ଷା କରୁଛନ୍ତି।