ନୂଆଦିଲ୍ଲୀ : ୟୁକ୍ରେନ ଯୁଦ୍ଧକୁ ନେଇ ରୁଷ୍ ଓ ପାଶ୍ଚାତ୍ୟ ଦେଶ ମଧ୍ୟରେ ବଢ଼ୁଥିବା ବିବାଦ ମଧ୍ୟରେ ମାର୍ଚ୍ଚ ୧ ଓ ୨ ତାରିଖରେ ଜି-୨୦ ଦେଶଗୁଡ଼ିକର ବୈଦେଶିକ ମନ୍ତ୍ରୀମାନେ ନୂଆଦିଲ୍ଲୀରେ ବୈଠକ କରିବେ । ଏହି ବୈଠକରେ ଆମେରିକାର ବୈଦେଶିକ ମନ୍ତ୍ରୀ ଆଣ୍ଟୋନି ବ୍ଲିଙ୍କେନ, ରୁଷ ବୈଦେଶିକ ମନ୍ତ୍ରୀ ସେର୍ଗେଇ ଲାଭରୋଭ, ଫ୍ରାନ୍ସ ବୈଦେଶିକ ମନ୍ତ୍ରୀ କ୍ୟାଥରିନ କୋଲୋନା, ଚୀନର ବୈଦେଶିକ ମନ୍ତ୍ରୀ କିନ୍ ଗ୍ୟାଙ୍ଗ, ଜର୍ମାନୀର ଆନାଲିନା ବିୟରବକ୍ ଏବଂ ବ୍ରିଟେନର ବୈଦେଶିକ ସଚିବ ଜେମ୍ସ କ୍ଲାଭର୍ଲି ପ୍ରମୁଖ ଯୋଗଦେବେ । ସେପ୍ଟେମ୍ବର ମାସରେ ହେବାକୁ ଥିବା ଜି-୨୦ ଶିଖର ସମ୍ମିଳନୀ ପୂର୍ବରୁ ଜି-୨୦ ସଦସ୍ୟ ରାଷ୍ଟ୍ରଗୁଡ଼ିକର ବୈଦେଶିକ ମନ୍ତ୍ରୀମାନଙ୍କର ଏହି ବୈଠକ ହେଉଛି ସବୁଠାରୁ ବଡ଼ ବୈଠକ । ଭାରତର ନିମନ୍ତ୍ରଣକ୍ରମେ ଶ୍ରୀଲଙ୍କା ଓ ବାଂଲାଦେଶ ଭଳି ଅନେକ ଅଣ-ଜି-୨୦ ଦେଶର ବୈଦେଶିକ ମନ୍ତ୍ରୀ ମଧ୍ୟ ଏହି ବୈଠକରେ ଅତିଥି ଭାବେ ଯୋଗଦେବେ ।
ୟୁକ୍ରେନ ଯୁଦ୍ଧ ପରିପ୍ରେକ୍ଷୀରେ ଋଷ ଓ ପାଶ୍ଚାତ୍ୟ ଦେଶ ମଧ୍ୟରେ ଉତ୍ତେଜନା କିଭଳି ଉପୁଜିଛି କିମ୍ବା ଆମେରିକା କହୁଛି, ସେଥିପାଇଁ ଜି-୨୦ ବୈଦେଶିକ ମନ୍ତ୍ରୀଙ୍କ ଏହି ବୈଠକ ଉପରେ ମଧ୍ୟ ନଜର ରଖାଯିବ । ଯଦିଓ ଭାରତ ଏହି ବୈଠକକୁ ୟୁକ୍ରେନ ଯୁଦ୍ଧ ଦ୍ୱାରା ପ୍ରଭାବିତ ହେବାକୁ ନ ଦେବାକୁ ଚେଷ୍ଟା କରିବ, କିନ୍ତୁ ବର୍ତ୍ତମାନର ବିଶ୍ୱ ପରିସ୍ଥିତିକୁ ଦେଖିଲେ ଲାଗୁନାହିଁ ଯେ ଏହି ବୈଠକ ଏଥିରୁ ଅଛୁଆଁ ରହିବ ।