ନୂଆଦିଲ୍ଲୀ: ବର୍ତ୍ତମାନ ସିଆଚେନ୍ ଗ୍ଲାସିଅରରେ ମଧ୍ୟ ଇଣ୍ଟରନେଟ୍ ସେବା ଉପଲବ୍ଧ ହେବ | ପ୍ରାୟ ୨୦,୦୦୦ ଫୁଟ ଉଚ୍ଚତାରେ ସିଆଚେନ୍ ଗ୍ଲାସିଅର ହେଉଛି ଦୁନିଆର ସର୍ବୋଚ୍ଚ ଯୁଦ୍ଧ କ୍ଷେତ୍ର | ସିଆଚେନ୍ ଗ୍ଲାସିଅରରେ ରବିବାର ସାଟେଲାଇଟ୍ ଆଧାରିତ ଇଣ୍ଟରନେଟ୍ ସେବାକୁ ଆକ୍ଟିଭେଟ୍ କରାଯାଇଛି | ଭାରତୀୟ ସେନାର ଏକ ଶାଖା ଫାୟାର ଆଣ୍ଡ ଫ୍ୟୁରି କର୍ପସ ଏକ ଟୁଇଟ୍ ମାଧ୍ୟମରେ ଏହି ବିଷୟରେ ସୂଚନା ଦେଇଛନ୍ତି।
ଟ୍ୱିଟରରେ ଫଟୋ ସେୟାର କରି ଭାରତୀୟ ଆର୍ମି ୱିଙ୍ଗ କହିଛି ଯେ ୧୯,୦୬୧ ଫୁଟ ଉଚ୍ଚରେ ସିଆଚେନ୍ ଗ୍ଲାସିଅରରେ ସାଟେଲାଇଟ୍ ଆଧାରିତ ଇଣ୍ଟରନେଟ୍ ସେବାକୁ ଆକ୍ଟିଭେଟ୍ କରିବା କାର୍ଯ୍ୟ ଶେଷ ହୋଇଛି। ଏହା ଦୁନିଆର ସର୍ବୋଚ୍ଚ ଯୁଦ୍ଧ କ୍ଷେତ୍ର | ସିଆଚେନ୍ ସିଗ୍ନାଲ୍ ଏହି କାମ କରିଛି।