ନୂଆଦିଲ୍ଲୀ: ଜମ୍ମୁ-କାଶ୍ମୀରର ରିୟାସିରେ ପୋ ଲିସ୍ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳିବିନିମୟରେ ଜଣେ ଆତଙ୍କୀ ନିପାତ ହୋଇଛି। ସୋମବାର ଜମ୍ମୁ-କାଶ୍ମୀରର ରିୟାସି ଜିଲ୍ଲାର ଚସାନା ନିକଟରେ ଏହି ସର୍ଚ୍ଚ ଅପରେସନ କରାଯାଇଥିଲା। ତେବେ ଏହି ସମୟରେ ଭାରତୀୟ ସେନା ଏବଂ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା। ଯେଉଁଥିରେ ଏପର୍ଯ୍ୟନ୍ତ ଜଣେ ଆତଙ୍କବାଦୀର ମୃତ୍ୟୁ ହୋଇଛି। ତେବେ ଏହି ଗୁଳିବିନିମୟରେ ଜଣେ ପୋଲିସ୍କର୍ମୀ ଆହତ ହୋଇଛନ୍ତି।
ଏଡିଜିପି ମୁକେଶ ସିଂହ କହିଛନ୍ତି ସୋମବାର ଦୁଇ ଆତଙ୍କବାଦୀ ରହିଥିବା ନେଇ ଗୁଇନ୍ଦା ସୂଚନା ମିଳିଥିଲା। ଯାହା ଆଧାରରେ ଏନକାଉଣ୍ଟର ହୋଇଥିଲା। ଚସାନାର ତୁଲି ଅଞ୍ଚଳରେ ଗଲୀ ସୋହାବରେ ଏନକାଉଣ୍ଟର ଜାରି ରହିଛି। ପୋଲିସ ସେନା ଅପରେସନ ଜାରି ରଖିଛି। ଜଣେ ଆତଙ୍କବାଦୀ ନିପାତ ହୋଇଛି। ଆହତ ପୋଲିସ୍କର୍ମୀଙ୍କୁ ଚିକିତ୍ସା ପାଇଁ ପଠାଯାଇଛି। ଏବେବି ଜାରି ରହିଛି ସର୍ଚ୍ଚ ଅପରେସନ।