ନୂଆଦିଲ୍ଲୀ : ଆଜିଠୁ ସାଂସଦ ଖେଳ ମହାକୁମ୍ଭ ୨୦୨୨-୨୩ର ଦ୍ବିତୀୟ ପର୍ଯ୍ୟାୟ । ଭିସି ଜରିଆରେ କାର୍ଯ୍ୟକ୍ରମକୁ ଉଦଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।
ଏହାର ପ୍ରଥମ ପର୍ଯ୍ୟାୟ ୧୦ରୁ ୧୬ ଡିସେମ୍ବର, ୨୦୨୨ ପର୍ଯ୍ୟନ୍ତ ସରିଥିବା ବେଳେ ଆଜିଠୁ ୨୮ ଜାନୁୟାରୀ ପର୍ଯ୍ୟନ୍ତ ଦ୍ବିତୀୟ ପର୍ଯ୍ୟାୟ ଖେଳ ମହାକୁମ୍ଭ ଆରମ୍ଭ ହେବ। ହ୍ୟାଣ୍ଡବଲ, ଚେସ, କ୍ୟାରମ, ବ୍ୟାଡମିଣ୍ଟନ, ଟେବୁଲ ଟେନିସ ଇତ୍ୟାଦିରେ ବିଭିନ୍ନ ପ୍ରତିଯୋଗିତା ଆୟୋଜନ ହେଉଛି। ଏହା ବ୍ୟତୀତ ପ୍ରବନ୍ଧ ଲେଖା, ଚିତ୍ରକଳା ପ୍ରତିଯୋଗିତା, ରଙ୍ଗୋଲି ପକାଇବା ଇତ୍ୟାଦି ମଧ୍ୟ ଖେଳ ମହାକୁମ୍ଭ ସମୟରେ ଆୟୋଜିତ ହେଉଛି। ଖେଳ ମହାକୁମ୍ଭ ହେଉଛି ଏକ ନୂତନ ପଦକ୍ଷେପ ଯାହାକି ବସ୍ତି ଜିଲ୍ଲା ଏବଂ ପଡୋଶୀ ଅଞ୍ଚଳର ଯୁବକମାନଙ୍କୁ ସେମାନଙ୍କର କ୍ରୀଡ଼ା ପ୍ରତିଭା ପ୍ରଦର୍ଶନ କରିବାକୁ ସୁଯୋଗ ଏବଂ ପ୍ଲାଟଫର୍ମ ଯୋଗାଇଥାଏ
ସୂଚନା ଯେ, ଗତ ୨୦୨୧ ମସିହାରୁ ବସ୍ତି ଲୋକସଭା ସାଂସଦ ଶ୍ରୀ ହରିଶ ଦ୍ୱିବେଦୀଙ୍କ ଦ୍ୱାରା ବସ୍ତି ଜିଲ୍ଲାରେ ସାଂସଦ ଖେଳ ମହାକୁମ୍ଭ ଆୟୋଜିତ ହୋଇଆସୁଛି। ଦୁଇଟି ପର୍ଯ୍ୟାୟରେ ସାଂସଦ ଖେଳ ମହାକୁମ୍ଭ ୨୦୨୨-୨୩ ଆୟୋଜିତ ହେଉଛି।