ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର ଜାତୀୟ କ୍ରୀଡ଼ା ଦିବସ ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି । କ୍ରୀଡ଼ା ଦୃଷ୍ଟିରୁ ବିଗତ କିଛି ବର୍ଷ ଦେଶ ପାଇଁ ଅତ୍ୟନ୍ତ ଉତ୍ତମ ସାବ୍ୟସ୍ତ ହୋଇଛି ବୋଲି ସେ କହିଛନ୍ତି।
ସେ ତାଙ୍କ ଜନ୍ମ ବାର୍ଷିକୀରେ ବିଶିଷ୍ଟ ହକି ଖେଳାଳି ମେଜର ଧ୍ୟାନ ଚାନ୍ଦଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। କ୍ରୀଡ଼ା ଦିବସ ପ୍ରତିବର୍ଷ ଅଗଷ୍ଟ ୨୯ରେ ଧ୍ୟାନ ଚାନ୍ଦଙ୍କ ଜନ୍ମ ବାର୍ଷିକୀରେ ପାଳନ କରାଯାଏ |
ଏକ ଟୁଇଟ୍ରେ ମୋଦୀ କହିଛନ୍ତି ଯେ ଜାତୀୟ କ୍ରୀଡ଼ା ଦିବସର ଅଭିନନ୍ଦନ ଏବଂ ମେଜର ଧ୍ୟାନ ଚାନ୍ଦଙ୍କୁ ତାଙ୍କ ଜନ୍ମ ବାର୍ଷିକୀରେ ଶ୍ରଦ୍ଧାଞ୍ଜଳି। କ୍ରୀଡା ପାଇଁ ବିଗତ ବର୍ଷଗୁଡିକ ବହୁତ ଭଲ ରହିଛି | ଏହି ଧାରା ଆଗକୁ ବି ଜାରି ରହୁ | ମୁଁ ଆଶା କରୁଛି ସାରା ଦେଶରେ କ୍ରୀଡ଼ାର ଲୋକପ୍ରିୟତା ଏମିତି ବଢି ଚାଲିଥାଉ ।