ଚେନ୍ନାଇ : ତାମିଲନାଡ଼ୁ କୁଡାଲୋର ଜିଲା ଭିପୁର ଅଞ୍ଚଳରେ ସିରିଜ୍ ଦୁର୍ଘଟଣା । ଏକ କାର୍ରେ ଅନେକ ଗାଡ଼ି ପିଟି ହେବା ପରେ ଏହି ଦୁର୍ଘଟଣା ଘଟିଥିଲା। ମୋଟ ୫ଟି ଗାଡ଼ି ଏହି ଦୁର୍ଘଟଣାର ଶିକାର ହୋଇଛନ୍ତି । ଦୁର୍ଘଟଣାରେ ୫ ଜଣଙ୍କ ମୃତ୍ୟୁ । ମୃତକଙ୍କ ମଧ୍ୟରେ ଗାଡ଼ି ଚାଳକଙ୍କ ସମେତ ୨ଜଣ ମହିଳା ଓ ୨ଜଣ ଶିଶୁ ରହିଛନ୍ତି । ମୃତକଙ୍କ ଏପର୍ଯ୍ୟନ୍ତ ପରିଚୟ ମିଳିପାରି ନାହିଁ ।
ସୂଚନା ଯେ, ମଙ୍ଗଳବାର ସକାଳୁ ଟ୍ରିଚି-ଚେନ୍ନାଇ ରାଜପଥରେ ଏକ ପରିବାର ସେମାନଙ୍କ କାର୍ ପାର୍କ କରିଥିଲେ। ପାର୍କ ହୋଇଥିବା କାର୍ଟିରେ ୨ଟି ଟ୍ରକ୍ ଓ ୨ଟି ବେସରକାରୀ ବସ୍ ଆସି ପିଟି ହୋଇଥିଲେ। ଖବର ପାଇଁ ଅଗ୍ନିଶମ କର୍ମଚାରୀ ଓ ଉଦ୍ଧାରକାରୀ ଦଳ ତୁରନ୍ତ ଆସି ଦୁର୍ଘଟଣାସ୍ଥଳରେ ପହଞ୍ଚି ମୃତାହତମାନଙ୍କୁ ଗାଡ଼ି ଭିତରୁ ବାହାରକୁ କରିଥିଲେ। ପୋଲିସ୍ ମୃତଶରୀରକୁ ସରକାରୀ ହସ୍ପିଟାଲ୍କୁ ପଠାଇ ତଦନ୍ତ ଆରମ୍ଭ କରିଛି। ପୁଲିସ୍ ସୂଚନା ଦେଇ କହିଛି ଯେ ତାମିଲ୍ନାଡୁର କୁଡାଲୋର ଜିଲାରେ ଥିବା ଭିପୁରରେ ୫ଟି ଗାଡ଼ି ଧକ୍କା ହୋଇ ଦୁର୍ଘଟଣା ଘଟିବା ପରେ ୫ ଜଣଙ୍କ ଜୀବନ ଯାଇଛି।