ନୂଆଦିଲ୍ଲୀ : ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ଜେଲରେ ଥିବା ଦିଲ୍ଲୀର ପୂର୍ବତନ ଉପ-ମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ପତ୍ନୀଙ୍କ ସ୍ୱାସ୍ଥ୍ୟବସ୍ଥା ବିଗିଡ଼ି ଯାଇଛି । ତାଙ୍କୁ ଆପୋଲୋ ହସ୍ପିଟାଲରେ ଭର୍ତ୍ତି କରାଯାଇଛି। ସିସୋଦିଆଙ୍କ ପତ୍ନୀ ‘ମଲ୍ଟିପଲ୍ ସ୍କ୍ଲେରୋସିସ୍’ ନାମକ ଏକ ରୋଗରେ ପୀଡିତ । ଏହି ରୋଗ ଦ୍ବାରା ଶରୀର ଉପରେ ମସ୍ତିଷ୍କର ନିୟନ୍ତ୍ରଣ କମିଯାଏ।
ଦିଲ୍ଲୀ ହାଇକୋର୍ଟରେ କରିଥିବା ଜାମିନ ଆବେଦନରେ ସିସୋଦିଆ ତାଙ୍କ ପତ୍ନୀଙ୍କ ଅସୁସ୍ଥତା ସମ୍ପର୍କରେ ଉଲ୍ଲେଖ କରିଥିଲେ। ସିସୋଦିଆଙ୍କ ଜାମିନ ନାମଞ୍ଜୁର ନେଇ ଟ୍ରାଏଲ କୋର୍ଟଙ୍କ ଆଦେଶକୁ ଚ୍ୟାଲେଞ୍ଜ କରି ତାଙ୍କ ଓକିଲ କହିଥିଲେ ଯେ ଏକାଧିକ ସ୍କ୍ଲେରୋସିସ୍ ରୋଗରେ ପୀଡିତ ଥିବା ଆପ୍ ନେତାଙ୍କ ପତ୍ନୀଙ୍କ ସ୍ଵାସ୍ଥ୍ୟଗତ ସମସ୍ୟାକୁ ଟ୍ରାଏଲ କୋର୍ଟ ବିଚାର କରିନଥିଲେ ।