ନୂଆଦିଲ୍ଲୀ : ନିର୍ବାଚନ ଆୟୋଗ ଦେଶର ପ୍ରାୟ ୨୫୩ଟି ଛୋଟ ଦଳକୁ ନିଷ୍କ୍ରିୟ କରିଛନ୍ତି । ଯେଉଁମାନେ ନିୟମ ପାଳନ କରୁନଥିଲେ । ନିଷ୍କ୍ରିୟ ହୋଇଥିବା ଛୋଟ ଦଳଗୁଡିକ ମଧ୍ୟରେ ଅନେକ ରାଜ୍ୟରେ ନିର୍ବାଚନ ଲଢ଼ୁଥିବା ଦଳ ମଧ୍ୟ ସାମିଲ ରହଛି । ବିହାର, ୟୁପି, କର୍ଣ୍ଣାଟକ, ମହାରାଷ୍ଟ୍ର, ତାମିଲନାଡୁ, ତେଲେଙ୍ଗାନା ଓ ଦିଲ୍ଲୀର ମୁଖ୍ୟ ନିର୍ବାଚନ ଅଧିକାରୀଙ୍କ ରିପୋର୍ଟକୁ ଆଧାର କରି ଏହି ଦଳଗୁଡିକ ନିଷ୍କ୍ରିୟ କରାଯାଇଛି । ଏହା ସହିତ ୮୬ ଟି ଛୋଟ ଦଳର ନାମ ମଧ୍ୟ ନିର୍ବାଚନ ଆୟୋଗ ଦ୍ୱାରା ରାଜନୈତିକ ଦଳ ତାଲିକାରୁ ହଟାଇ ଦିଆଯାଇଛି ।
କୁହାଯାଇଛି ଯେ ଭାରତର ନିର୍ବାଚନ ଆୟୋଗ ଦୀର୍ଘ ଦିନ ଧରି ସେହି ରାଜନୈତିକ ଦଳଗୁଡିକ ବିଷୟରେ ତଥ୍ୟ ସଂଗ୍ରହ କରୁଥିଲେ, ଯେଉଁମାନେ ନିର୍ବାଚନୀ ଚିହ୍ନ ପାଇବା ପରେ ଦୃଶ୍ୟମାନ ହେଉ ନଥିଲା । ଏ ସମ୍ପର୍କରେ ନିର୍ବାଚନ ଆୟୋଗ ବିହାର, ୟୁପି, କର୍ଣ୍ଣାଟକ, ମହାରାଷ୍ଟ୍ର, ତାମିଲନାଡୁ, ତେଲେଙ୍ଗାନା ଓ ଦିଲ୍ଲୀର ମୁଖ୍ୟ ନିର୍ବାଚନ ଅଧିକାରୀଙ୍କ ବିସ୍ତୃତ ରିପୋର୍ଟ ପ୍ରସ୍ତୁତ କରିଛନ୍ତି । ଏହି ରିପୋର୍ଟ ଆଧାରରେ, ଏହି ଦଳଗୁଡିକ ନିଷ୍କ୍ରିୟ କରାଯାଇଛି । କୁହାଯାଇଛି ଯେ ନିର୍ବାଚନ ଆୟୋଗ ୨୫୩ ଟି ଦଳକୁ ନୋଟିସ ପଠାଇଛନ୍ତି । ଛୋଟ ଦଳ ନିର୍ବାଚନ ଆୟୋଗଙ୍କ ନୋଟିସକୁ ନେଇ ବର୍ତ୍ତମାନ ପର୍ଯ୍ୟନ୍ତ କୌଣସି ପ୍ରତିକ୍ରିୟା ଦେଇନାହାଁନ୍ତି ।
ସୂଚନା ଅନୁଯାୟୀ, ନିର୍ବାଚନ ଲଢ଼ିବା ପାଇଁ ଆୟୋଗଙ୍କ ଅନୁମତି ପାଇବା ପରେ ନିର୍ବଚନୀ ଚିହ୍ନ ସହ ଜଡିତ ସର୍ତ୍ତଗୁଡିକ ପାଳନ କରିବା ବାଧ୍ୟତାମୂଳକ ଅଟେ । ଦେଶର ଅନେକ ରାଜ୍ୟର ଛୋଟ ଦଳ ଏହାକୁ ଅନୁସରଣ କରୁନଥିଲେ । ନିୟମ ଅନୁସରଣ ନକରିବାରୁ ୨୫୩ ଟି ଦଳକୁ ଅକ୍ଷମ କରାଯାଇଛି । ଏହି ଦଳଗୁଡିକ ଗତ ଅନେକ ନିର୍ବାଚନ ଠାରୁ ଦୂରେଇ ରହିଥିଲେ । ଏମାନଙ୍କ ଦ୍ୱାରା କୌଣସି ପ୍ରାର୍ଥୀ ନିର୍ବାଚନରେ ଠିଆ କରାଯାଉ ନଥିଲା । ଏହାକୁ ସ୍ୱୀକାର କରି ନିର୍ବାଚନ ଆୟୋଗ ଏହି ପଦକ୍ଷେପ ନେଇଛନ୍ତି । ଏହା ସହିତ ୮୬ ଟି ଛୋଟ ଦଳର ନାମ ମଧ୍ୟ ନିର୍ବାଚନ ଆୟୋଗ ଦ୍ୱାରା ରାଜନୈତିକ ଦଳ ତାଲିକାରୁ ହଟାଇ ଦିଆଯାଇଛି ।
ଦେଶରେ ଏପରି ବହୁ ସଂଖ୍ୟକ ଅଜ୍ଞାତ ରାଜନୈତିକ ଦଳ ପଞ୍ଜିକୃତ ହୋଇଛନ୍ତି । ଏମାନେ ଏପରି ଦଳ ଯାହାକି ବିଧାନସଭା ନିର୍ବାଚନରେ କିମ୍ବା ରାଜ୍ୟର ସାଧାରଣ ନିର୍ବାଚନରେ ପର୍ଯ୍ୟାପ୍ତ ପରିମାଣର ଭୋଟ୍ ପାଇବାରେ ଅସମର୍ଥ । ଏହା ବ୍ୟତୀତ ଅନେକ ଦଳ ଅଛନ୍ତି ଯାହା ରାଜନୈତିକ ଦଳ ଭାବରେ ପଞ୍ଜିକୃତ ହୋଇଛି । କିନ୍ତୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁ ନାହାଁନ୍ତି । ତାଙ୍କୁ ଅଜ୍ଞାତ ପାର୍ଟିର ଶ୍ରେଣୀରେ ରଖାଯାଇଛି ।