ନୂଆଦିଲ୍ଲୀ : ରିଲ୍ କରିବା ପଡ଼ିଲା ମହଙ୍ଗା । ମୋବାଇଲ୍ ଫୋନ୍ରେ ବିପଦ ଜନକ ସ୍ଥାନରେ ରିଲ୍ କରିବା ସମୟରେ ବହୁ ମୂଲ୍ୟବାନ୍ ଜୀବନ ଯାଉଥିବା ବେଳେ ଅନେକ ଆହତ ମଧ୍ୟ ହେଉଥିବା ନେଇ ବିଭିନ୍ନ ସମୟରେ ଘଟୁଛି। ଏଭଳି ଘଟଣା ପରେ ମଧ୍ୟ ଲୋକେ ସଚେତନ ହେଉ ନାହାନ୍ତି । ଏହି ପରିପ୍ରେକ୍ଷୀରେ ଗାଜିୟାବାଦର ମସୁରୀ ଥାନା ଅଞ୍ଚଳରୁ ଏଭଳି ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ରିଲ୍ କରିବା ସମୟରେ ଜଣେ ମହିଳା ଓ ଦୁଇ ଯୁବକଙ୍କ ଟ୍ରେନ୍ ଧକ୍କାରେ ମୃତ୍ୟୁ ହୋଇଛି। ରେଳବାଇ ଷ୍ଟେସନ ମାଷ୍ଟରଙ୍କ ନିକଟରୁ ପୋଲିସ ଏହି ସୂଚନା ପାଇ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।
ସୂଚନା ଯେ, ବୁଧବାର ରାତିରେ ଗାଜିୟାବାଦରୁ ଲକ୍ଷ୍ନୌ ଯାଉଥିବା ଏକ ଏକ୍ସାପ୍ରେସ ଟ୍ରେନ ମସୁରୀର କଲ୍ଲୁ ଗଡି ରେଲୱେ କ୍ରସିଙ୍ଗ ନିକଟରେ ୩ ଜଣ ଭିଡିଓ କରୁଥିବା ସମୟରେ ଧାରଣାରେ ଟ୍ରେନ ଆସିବାରୁ ଦୁର୍ଘଟଣାର ସମ୍ମୁଖୀନ ହୋଇଥିଲେ। ଫଳରେ ୩ ଜଣଙ୍କ ଜୀବନ ଚାଲିଯାଇଥିଲା। ଘଟଣାର ତଦନ୍ତ କରାଯାଉଛି।