ନୂଆଦିଲ୍ଲୀ : ମୁମ୍ବାଇର ଗୋରେଗାଓଁ ରେ ଥିବା ମୁମ୍ବାଇ ପ୍ରଦର୍ଶନୀ କେନ୍ଦ୍ରଠାରେ କେନ୍ଦ୍ର ଇସ୍ପାତ ମନ୍ତ୍ରଣାଳୟ, ବାଣିଜ୍ୟ ଏବଂ ଶିଳ୍ପ ମନ୍ତ୍ରଣାଳୟ ଏବଂ ଫିକି ମିଳିତ ଭାବରେ ଆସନ୍ତା ଏପ୍ରିଲ ୧୯ରୁ ୨୧ ପର୍ଯ୍ୟନ୍ତ ଇଣ୍ଡିଆ ଷ୍ଟିଲ୍ ୨୦୨୩ ସମ୍ମିଳନୀ ଆୟୋଜନ କରୁଛନ୍ତି । ଇଣ୍ଡିଆ ଷ୍ଟିଲ ୨୦୨୩ ସମ୍ମିଳନୀକୁ ବେସାମରିକ ବିମାନ ଚଳାଚଳ ଏବଂ ଇସ୍ପାତ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ଉଦ୍ଘାଟନ କରିବେ। ଏଥିରେ ଗ୍ରାମ୍ୟ ଉନ୍ନୟନ ମନ୍ତ୍ରୀ ଫଗାନ ସିଂ କୁଲାଷ୍ଟେ, ଇସ୍ପାତ ଓ ଗ୍ରାମୀଣ ବିକାଶ ରାଷ୍ଟ୍ରମନ୍ତ୍ରୀ ନଗେନ୍ଦ୍ର ନାଥ ସିହ୍ନା ଏବଂ ସମ୍ପୃକ୍ତ ବିଭାଗର ସଚିବ ଓ ବରିଷ୍ଠ ଅଧିକାରୀମାନେ ଯୋଗ ଦେବେ।
ଇସ୍ପାତ ଶିଳ୍ପରେ ଅତ୍ୟାଧୁନିକ ବିକାଶ, ଆହ୍ବାନ ଏବଂ ସୁଯୋଗ ବିଷୟରେ ଆଲୋଚନା କରିବାକୁ ଶିଳ୍ପପତି, ନୀତି ନିର୍ଦ୍ଧାରଣକାରୀ ଏବଂ ବିଶେଷଜ୍ଞମାନଙ୍କୁ ଏହି କାର୍ଯ୍ୟକ୍ରମର ଏକତ୍ର କରିବାକୁ ଲକ୍ଷ୍ୟ ରଖାଯାଇଛି।