କେନ୍ଦୁଝର, ୮ା୧୨: କେନ୍ଦୁଝର ଏଚ୍ଡିଏଫସି ବ୍ୟାଙ୍କ ପକ୍ଷରୁ ବ୍ୟାଙ୍କ ପରିସରରେ ରକ୍ତଦାନ ଶିବିର ଆୟୋଜିତ ହୋଇଯାଇଛି । ରକ୍ତଦାନ ଶିବିର କୁ ସଦର ବ୍ଲକ ବିଡିଓ ତିଳୋତ୍ତମା ପୃଷ୍ଟି ମୁଖ୍ୟ ଅତିଥି ଭାବେ ଯୋଗ ଦେଇ ଉଦ୍ଘାଟନ କରିଥିଲେ । ରକ୍ତଦାନ ଶିବିର ପରିଚାଳନାରେ ବ୍ୟାଙ୍କର ଶାଖା ପରିଚାଳକ ଜ୍ୟୋତି ପ୍ରକାଶ ସାହୁ,ଅପରେସନ କ୍ଲଷ୍ଟର ହେଡ୍ ଶାନ୍ତନୁ ବେହେରା,ଅପରେସନ ମ୍ୟାନେଜର ଅମିତ କୁମାର ମଣ୍ଡଳ ପ୍ରମୁଖ ଅତିଥି ଭାବରେ ଯୋଗ ଦେଇଥିଲେ । ଦିଲ୍ଲୀପ କୁମାର ଜେନା,ପ୍ରଭାସିନୀ ସାହୁ,ସୁଶାନ୍ତ ରଣା,ଜୟଲକ୍ଷ୍ମୀ ବେହେରା,ପ୍ରତାପ କୁମାର ଜେନା,ଦିଲ୍ଲୀପ କୁମାର ସାହୁ,ଶୁଭ୍ରଜିତ୍ ଡାନି,ବିଶ୍ୱଜିତ୍ ବର୍ଦ୍ଧନ ପ୍ରମୁଖ ରକ୍ତଦାନ ଶିବିର ପରିଚାଳନାରେ ସହଯୋଗ କରିଥିଲେ । କେନ୍ଦୁଝର ବ୍ଲଡ ବ୍ୟାଙ୍କର ଡାକ୍ତର ଓ କର୍ମଚାରୀମାନେ ରକ୍ତ ସଂଗ୍ରହ କରିଥିଲେ । ଏହି ରକ୍ତଦାନ ଶିବିରରେ ବ୍ୟାଙ୍କ ଅଧିକାରୀ ଏବଂ କର୍ମଚାରୀ ରକ୍ତଦାନ କରିଥିବାବେଳେ ୫୧ ୟୁନିଟ୍ ରକ୍ତ ସଂଗ୍ରହ ହୋଇଥିଲା ।
