ଟ୍ୱିଟରକୁ ବାଏ ବାଏ କଲେ କରଣ ଜୋହର

ମୁମ୍ବାଇ : ମାଇକ୍ରୋ ବ୍ଲଗିଂ ସାଇଟ୍ ଟ୍ୱିଟରକୁ ଗୁଡବାଏ କଲେ ଫିଲ୍ମ ନିର୍ମାତା ଓ ନିର୍ଦ୍ଦେଶକ କରଣ ଜୋହର । ସେ ଏହି ମାଇକ୍ରୋ ବ୍ଲଗିଂ ସାଇଟରେ ନିଜ ଆକାଉଣ୍ଟ ବନ୍ଦ କରିଦେଇଛନ୍ତି ବୋଲି ଘୋଷଣା କରିଛନ୍ତି । ଏହି ସୋସିଆଲ ମିଡ଼ିଆ ପ୍ଲାଟଫର୍ମରେ ଅତ୍ୟଧିକ ନକାରାତ୍ମକତାରେ ସେ ଅତିଷ୍ଠ ହୋଇ ପଡ଼ିଛନ୍ତି । ଏଥିପାଇଁ ସେ ଟ୍ୱିଟର ଛାଡିବାକୁ ନିଷ୍ପତ୍ତି ନେଇଛନ୍ତି ବୋଲି କରଣ ଫ୍ୟାନ୍ ମାନଙ୍କୁ ନିଜ ଶେଷ ଟ୍ବିଟରେ ସୂଚନା ଦେଇଛନ୍ତି। ତେବେ କରଣ ଜୋହରଙ୍କ ଏହି ଟ୍ୱିଟରେ ଲୋକମାନେ ଅନେକ ନକାରାତ୍ମକ କମେଣ୍ଟ ଦେଉଥିବା ଦେଖିବାକୁ ମିଳିଛି ।

କରଣ ଜୋହର ଏହି ଟୁଇଟରେ ଲେଖିଛନ୍ତି, ‘ ଆହୁରି ଅଧିକ ପଜିଟିଭ୍ ଏନର୍ଜି ପାଇଁ ସ୍ଥାନ ସୃଷ୍ଟି କରିବା ପାଇଁ ଏହା ହେଉଛି ପ୍ରଥମ ପଦକ୍ଷେପ । ଗୁଡବାଏ ଟ୍ୱିଟର !” ଏହି ଟ୍ୱିଟ୍ ଉପରେ ଜଣେ ୟୁଜର କହିଛନ୍ତି – ସାର୍, ଯଦି ଆପଣ ସମଗ୍ର ଭାରତରେ ଶାନ୍ତି ଏବଂ ସୁଖ ଚାହୁଁଛନ୍ତି, ତେବେ ଇଣ୍ଟରନେଟରୁ ଅଳିଆ ମଧ୍ୟ ବାହାର କରନ୍ତୁ | ଆଉ ଜଣେ ୟୁଜର କହିଛନ୍ତି – କେହି ଆପଣଙ୍କୁ ମିସ୍ କରିବେ ନାହିଁ | ଅନ୍ୟ ଜଣେ ଟ୍ୱିଟର ୟୁଜର କହିଛନ୍ତି – ଶାହାରୁଖଙ୍କ ବ୍ୟତୀତ ଅନ୍ୟ କେହି ଆପଣଙ୍କୁ ମିସ୍ କରିବେ ନାହିଁ।