କେନ୍ଦୁଝର, ରବିବାର ଦିନ କେନ୍ଦୁଝର ସହରର ସଂସ୍କୃତି ଭବନ ଠାରେ ଲାଇଫ୍ ସେଭର୍ସ ଗ୍ରୁପ ଟ୍ରଷ୍ଟ ପରିବାର ର ଦ୍ୱିତୀୟ ବାର୍ଷିକ ଉତ୍ସବ ଅନୁଷ୍ଠିତ ହୋଇଥିଲା । ଜିଲ୍ଲାରେ ସେବାହିଁ ପରମ ଧର୍ମ ଭାବନାରେ ସଦା ସର୍ବଦା ମାନବ ସେବାରେ ନିୟୋଜିତ ଏହି ସାମାଜିକ ସଂଗଠନ । ରୋଗାକ୍ରାନ୍ତ କୁ ରକ୍ତ ଆବଶ୍ୟକତା ହଉ ବା ଅସହାୟକୁ ସହାୟତା କିମ୍ବା ବିବାହ ଓ ଶୁଦ୍ଧିକ୍ରିୟା ସବୁବେଳେ ସହଯୋଗ ର ହାତ ବଢ଼ାଇଥାଏ ଲାଇଫ୍ ସେଭର୍ସ ଗ୍ରୁପ ଟ୍ରଷ୍ଟ ପରିବାର । ଏଭଳି ସାମାଜିକ ଅନୁଷ୍ଠାନ ର ବାର୍ଷିକ ଉତ୍ସବ ରେ ଅତିଥି ଭାବେ ସଦର ବିଧାୟକ ମୋହନଚରଣ ମାଝୀ,ପଦ୍ମଶ୍ରୀ ମାଗୁଣୀ କୁଅଁର, ବିଜୁଜନତା ଦଳର ବର୍ଷିୟାନ୍ ନେତା ଆଶିଷ ଚକ୍ରବର୍ତ୍ତୀ, ମହାରାଣୀ ସୁନନ୍ଦିନୀ ଭଞ୍ଜଦେଓ, କଂଗ୍ରେସର ର ଜିଲ୍ଲା ସଭାପତି ଶ୍ରୀଯୁକ୍ତ ମୋହନ ପରିଡା,ସମାସେବୀ ସେବତୀ ସିଂ ପ୍ରମୁଖ ଯୋଗ ଦେଇଥିଲେ । ବିଭିନ୍ନ ବର୍ଗର ସେବାକ୍ଷେତ୍ରରେ କାର୍ଯ୍ୟ କରୁଥିବା ବିଶିଷ୍ଟ ବ୍ୟକ୍ତି ମାଙ୍କୁ ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମ ରେ ଓଡ଼ିଶାର ବିଭିନ୍ନ ଜିଲ୍ଲାର ସାମାଜିକ ସଂଗଠନ କର୍ମୀମାନେ ମଧ୍ୟ ଯୋଗଦେଇ ସମ୍ବର୍ଦ୍ଧିତ ହୋଇଥିଲେ । ଏହି ଉତ୍ସବ କୁ ଲାଇଫ୍ ସେଭର୍ସ ଗ୍ରୁପ ଟ୍ରଷ୍ଟ ପରିବାର ର ସଦସ୍ୟ ମାନେ ପରିଚାଳନା କରିଥିଲେ ।
