କେନ୍ଦ୍ରାପଡ଼ା : କେନ୍ଦ୍ରାପଡା ରାଜନଗର ହାତିଆଗଡି ଗାଁରେ ଅଭାବନୀୟ ଘଟଣା । ହାତିଆଗଡି ଗାଁର ମହିଳା ସୀତାରାଣୀ ଦାସ ତାଙ୍କ ବାଡ଼ି ପଛପଟ ପୋଖରୀ ତୁଠରେ ବାସନ ମାଜୁଥିଲେ । ଏହି ସମୟରେ ତାଙ୍କୁ ଏକ କୁମ୍ଭୀର ଟାଣି ନେଇଥିଲା । ବହୁ ସମୟ ଖୋଜାଖୋଜି ପରେ ଦଳ ଭର୍ତ୍ତି ପାଣିରୁ ମିଳିଲା ମହିଳାଙ୍କ କ୍ଷତ ବିକ୍ଷତ ମୃତଦେହ । କୁମ୍ଭୀର ମହିଳାଙ୍କୁ ଟାଣି ନେବା ଘଟଣାରେ ସ୍ଥାନୀୟ ଲୋକମାନେ ରାଜନଗର ଭିତରକନିକା ରାସ୍ତା ହାତିଆଗଡି ନିକଟରେ ଟାୟାର ଜାଳି ରାସ୍ତାରୋକ କରିଥିଲେ । ପରେ ତହସିଲଦାର ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ । ସୂଚନା ଯେ, ସପ୍ତାହେ ଭିତରେ ଗଲାଣି ଦୁଇ ଜଣଙ୍କ ଜୀବନ । ପୂର୍ବରୁ ଗତ ୧୪ ତାରିଖରେ ପଟ୍ଟାମୁଣ୍ଡାଇର ନିମପୁର ଗାଁରେ ଶୌଚ ହେବାକୁ ଯାଇଥିବା ବେଳେ ଜଣେ ନାବାଳକକୁ ଟାଣିନେଇଥିଲା କୁମ୍ଭୀର ।
