ଟ୍ରକ ଧକ୍କାରେ ୨ ଜଣ ବ୍ୟକ୍ତି ମୃତ

ବରଗଡ : ବରଗଡ଼ ଜିଲା ଅତାବିରା ଆନନ୍ଦ ମଣ୍ତପ ସମ୍ମୁଖରେ ଘଟିଛି ଦୁର୍ଘଟଣା । ୫୩ ନମ୍ବର ଜାତୀୟ ରାଜପଥ ଅତାବିରା ଆନନ୍ଦ ମଣ୍ତପ ସ୍ଥିତ କୋବେଟା ସୋରୁମ ସମ୍ମୁଖରେ ଟ୍ରକ ଧକ୍କା ଦେବା ଯୋଗୁଁ ୨ ଜଣ ବ୍ୟକ୍ତିଙ୍କ ମୃତ୍ୟୁ ହୋଇଛି । ମୃତକମାନେ ହେଲେ ବରଗଡ ଜିଲା ସଦର ଥାନା ଅନ୍ତର୍ଗତ ବେହେରା ଗ୍ରାମର ଚିକୁ ସାହୁ ଓ ୫୦ ବର୍ଷୀୟ ନାରାୟଣ ସେଟ l

ସୂଚନା ଅନୁସାରେ NL01 AB-8670 ନମ୍ବର ଥିବା ଗୋଟିଏ କେଣ୍ଟର ଟ୍ରକ ବରଗଡରୁ ସମ୍ବଲପୁର ଯାଉଥିବା ସମୟରେ କୋବେଟା ସୋରୁମ ସମ୍ମୁଖରେ ଛିଡା ହୋଇଥିବା OD03S-6777 ନମ୍ବର ଥିବା ଗୋଟିଏ କାରକୁ ଓ ଗୋଟିଏ ଟ୍ରାକ୍ଟରରେ ଧାନକଟା ଗାଡି ଓହ୍ଲାଉଥିବା ସମୟରେ ୨ ଜଣ ବ୍ୟକ୍ତିଙ୍କୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ୨ ଜଣଙ୍କ ମୃତ୍ୟୁ ଘଟିଯାଉଛି । ଖବର ପାଇ ଅତାବିରା ପୋଲିସ ଘଟଣାସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଛି।