ନବରଙ୍ଗପୁର : ବାଇକକୁ ଘୋଷାଡି ନେଲା ଟ୍ରକ, ୨ ମୃତ । ମୃତକଙ୍କ କ୍ଷତିପୂରଣ ଦାବିରେ ଉତ୍ତ୍ୟକ୍ତ ଲୋକଙ୍କ ରାସ୍ତା ରୋକ । ଗତ ଗୁରୁବାର ରାତିରେ ନବରଙ୍ଗପୁର ଜିଲା ଉମରକୋଟ ସହରର ଆଦର୍ଶ ବିଦ୍ୟାଳୟ ନିକଟରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି ।
ଘଟଣାସ୍ଥଳରେ ଦୁଇ ବାଇକ ଆରୋହୀଙ୍କର ମୃତ୍ୟୁ ହୋଇଥିଲା । ମୃତକମାନେ ହେଲେ ଉମରକୋଟ ପୌରାଞ୍ଚଳ ଚଢେଇଗୁଡା ଗାଁର ମହେଶ ଗଣ୍ଡ ଓ ଅଜୟ ସୁନା । କ୍ଷତିପୂରଣ ଦାବିରେ ଟାୟାର ଜାଳି ରାସ୍ତା ରୋକ୍ କରିଛନ୍ତି ଗ୍ରାମବାସୀ । ଫଳରେ ଉମରକୋଟ-ଜୟପୁରରେ ଯାତାୟାତ ବାଧାପ୍ରାପ୍ତ ହୋଇଛି ।