ନୂଆଦିଲ୍ଲୀ: ଇସ୍ରାଏଲ୍-ହମାସ୍ ଯୁଦ୍ଧ ମଧ୍ୟରେ ଗାଜା ପଟ୍ଟିର ଏକ ହସ୍ପିଟାଲରେ ଆକ୍ରମଣ ହୋଇଛି । ଏହି ଆକ୍ରମଣରେ ୨୨ ଜଣଙ୍କ ମୃତ୍ୟୁ ହୋଇଛି । ଆକ୍ରମଣ ପାଇଁ ଇସ୍ରାଏଲୀକୁ ଦାୟୀ କରିଛି ଫିଲିସ୍ତିନୀ । ତେବେ ଇସ୍ରାଏଲୀ ଡିଫେନ୍ସ ଫୋର୍ସ (ଆଇଡିଏଫ) ଅଭିଯୋଗକୁ ଖଣ୍ଡନ କରିଛି । ମିଡିଆ ରିପୋର୍ଟ ଅନୁସାରେ ଗାଜାର ଅଲ-ଶିଫା ହସ୍ପିଟାଲକୁ ଦୁଇ ଧରି ଇସ୍ରାଏଲ୍ ସେନା ଘେରି ରହିଥିଲା । ଏଠାରେ ଆତଙ୍କୀ ଲୁଚି ରହିଥିବା ଇସ୍ରାଏଲ୍ ଦାବି କରୁଥିଲା ।
ଗାଜାର ଉତ୍ତର ଯୁଦ୍ଧ କ୍ଷେତ୍ରରୁ ଜୀବନ ବଞ୍ଚାଇ ପଳାୟନ କରୁଥିବା ଫିଲିସ୍ତିନୀ ନାଗରିକ କହିଛନ୍ତି ଯେ ଗାଜା ସହରର ମଧ୍ୟରେ ସ୍ଥିତ ଶିଫା ହସ୍ପିଟାଲରେ ଶରଣ ନେଇଥିବା ହଜାର ହଜାର ଲୋକ ବିସ୍ଫୋରଣ ପରେ ରାତିରେ ପଚାଲନ କରିଥିଲେ । ଇସ୍ରାଏଲ- ହମାସ ମଧ୍ୟରେ ଜାରି ଯୁଦ୍ଧ ଭିତରେ ୮୦,୦୦୦ ଲୋକ ଶରଣ ନେଇଥିଲେ ।
ହମାସ ଶାସିତ ଗାଜା ପଟ୍ଟିର ସ୍ୱାସ୍ଥ୍ୟ ମନ୍ତ୍ରାଳୟ ଅନୁସାରେ, ଇସ୍ରାଏଲ-ହମାସ ଯୁଦ୍ଧରେ ମୃତ ଫିଲିସ୍ତିନୀ ନାଗରିକଙ୍କ ସଂଖ୍ୟା ୧୧ ହଜାର ଟପିଛି । ଇସ୍ରାଏଲ୍ ଆକ୍ରମଣରେ ଗାଜାର ପ୍ରତଶିତ ବିଲ୍ଡିଂ ନଷ୍ଟ ହୋଇଛି । ପାଖାପାଖି ୪୦ ହଜାରରୁ ଅଧିକ ଆବାସ ସମ୍ପୂର୍ଣ୍ଣ ନଷ୍ଟ ହୋଇଛି ।
