ସୁରଟ: ପୂର୍ବତନ ଦ୍ରୁତ ବୋଲର ଏସ୍ ଶ୍ରୀସନ୍ତ ଗୁରୁବାର ଅଭିଯୋଗ କରିଛନ୍ତି ଯେ ଲିଜେଣ୍ଡସ୍ ଲିଗ୍ କ୍ରିକେଟ୍ ମ୍ୟାଚ୍ ସମୟରେ ଗୌତମ ଗମ୍ଭୀର ତାଙ୍କୁ ‘ଫିକ୍ସର୍’ ବୋଲି କହିଥିଲେ।
ବୁଧବାର ଇଣ୍ଡିଆନ କ୍ୟାପିଟାଲ ଏବଂ ଗୁଜୁରାଟ ଜାଏଣ୍ଟସ୍ ମଧ୍ୟରେ ହୋଇଥିବା ଏଲିମିନେଟର ମ୍ୟାଚ୍ ସମୟରେ ଶ୍ରୀସନ୍ଥ ଏବଂ ତାଙ୍କ ପୂର୍ବତନ ସାଥୀ ଖେଳାଳି ଗମ୍ଭୀରଙ୍କ ମଧ୍ୟରେ ତୀବ୍ର ଯୁକ୍ତିତର୍କ ହୋଇଥିଲା। ଏହା ପରେ ଅମ୍ପାୟାରଙ୍କୁ ଉଭୟ ବିଶ୍ୱକପ ବିଜେତା ଖେଳାଳିଙ୍କୁ ଅଲଗା କରିବା ପାଇଁ ହସ୍ତକ୍ଷେପ କରିବାକୁ ପଡ଼ିଥିଲା ।
ଶ୍ରୀସନ୍ଥ ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ଲାଇଭ୍ ଆସି ଅଭିଯୋଗ କରିଥିଲେ ଯେ, ଗମ୍ଭୀର ତାଙ୍କୁ ଲାଇଭ୍ ଟିଭିରେ ‘ଫିକ୍ସର୍ ଫିକ୍ସର୍’ ବୋଲି ଡାକିଥିଲେ।
ଶ୍ରୀସନ୍ଥ କହିଛନ୍ତି, “ମୁଁ ପଚାରିଲି, ତୁମେ କ’ଣ କହୁଛ? ମୁଁ ମଜାଳିଆ ଢଙ୍ଗରେ ହସିଥିଲି | ଯେତେବେଳେ ଅମ୍ପାୟାରମାନେ ତାଙ୍କୁ ଶାନ୍ତ କରିବାକୁ ଚେଷ୍ଟା କରୁଥିଲେ, ସେମାନଙ୍କ ସହ ମଧ୍ୟ ସେ ଏପରି ଭାଷାରେ କଥା ହୋଇଥିଲେ।”
ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ୨୦୧୩ରେ ସ୍ପଟ୍ ଫିକ୍ସିଂ ଦୁର୍ନୀତିରେ ସମ୍ପୃକ୍ତି ପାଇଁ ବିସିସିଆଇର ଶୃଙ୍ଖଳାଗତ କମିଟି ଶ୍ରୀସନ୍ଥଙ୍କୁ ଆଜୀବନ ବାସନ୍ଦ କରିଥିଲା ।
କିନ୍ତୁ ସୁପ୍ରିମକୋର୍ଟ ୨୦୧୯ରେ ତାଙ୍କ ବାସନ୍ଦ ଅବଧି ୭ ବର୍ଷକୁ ହ୍ରାସ କରିଥିଲେ ।
ଶ୍ରୀସନ୍ଥ କହିଛନ୍ତି, “ମୁଁ କୌଣସି ଅପମାନଜନକ ଶବ୍ଦ ବ୍ୟବହାର କରିନଥିଲି । ଦୟାକରି ସତ୍ୟକୁ ସମର୍ଥନ କରନ୍ତୁ। ସେ ଅନେକ ଲୋକଙ୍କ ସହ ଏହା କରିଆସୁଛନ୍ତି | ମୁଁ ଜାଣେ ନାହିଁ ସେ କାହିଁକି ଏମିତି କହି ଝଗଡ଼ା ଆରମ୍ଭ କଲେ । ଏହା ଓଭର ଶେଷରେ ଘଟିଥିଲା |
ଶ୍ରୀସନ୍ଥ କହିଛନ୍ତି, “ଏବେ ତାଙ୍କ ଲୋକମାନେ କହୁଛନ୍ତି ଯେ ସେ ‘ସିକ୍କର୍ ସିକ୍ସର୍ ’ବୋଲି କହୁଥିଲେ, କିନ୍ତୁ ସେ ମୋତେ ‘ତୁମେ ଜଣେ ଫିକ୍ସର୍ ’, ତୁମେ ଜଣେ ଫିକ୍ସର’ ବୋଲି କହିଥିଲେ । ଏହା କଥାବାର୍ତ୍ତା କରିବାର ଢଙ୍ଗ ନୁହେଁ | ମୁଁ ଏହି ଘଟଣାକୁ ଏଠାରେ ଶେଷ କରିବାକୁ ଚିନ୍ତା କରୁଛି । କିନ୍ତୁ ତାଙ୍କ ଲୋକମାନେ ତାଙ୍କୁ ବଞ୍ଚାଇବାକୁ ଚେଷ୍ଟା କରୁଛନ୍ତି। ମୁଁ ଆପଣ ସମସ୍ତଙ୍କୁ ଅନୁରୋଧ କରୁଛି ଯେ ‘ଅତିରିକ୍ତ ଦରମା ପାଉଥିବା ପିଆର୍’ ଜାଲରେ ପଡ଼ନ୍ତୁ ନାହିଁ।”
ଶ୍ରୀସନ୍ଥ ପ୍ରାୟ ଏକ ଘଣ୍ଟା ଲାଇଭ୍ ରହିଥିଲେ । ଗମ୍ଭୀର ଇଷ୍ଟ ଦିଲ୍ଲୀର ଜଣେ ବିଜେପି ସାଂସଦ।
ଶ୍ରୀସନ୍ଥଙ୍କ ଆରୋପ ମଧ୍ୟରେ ଗମ୍ଭୀର ଭାରତୀୟ ଜର୍ସିରେ ନିଜର ଏକ ହସୁଥିବା ଫଟୋକୁ ‘ଏକ୍ସ’ ରେ ସେୟାର କରି ଲେଖିଛନ୍ତି, ଯେତେବେଳେ ବିଶ୍ବର କାମ ଦୃଷ୍ଟି ଆକର୍ଷଣ କରିବା, ହସୁଥାଅ।’
ବୁଧବାର ମ୍ୟାଚ୍ ପରେ ଶ୍ରୀସନ୍ଥ ଅନ୍ୟ ଏକ ଇନଷ୍ଟାଗ୍ରାମ ଲାଇଭ୍ ଭିଡିଓରେ ଗମ୍ଭୀରଙ୍କୁ ‘ମିଷ୍ଟର ଫାଇଟର୍’ ବୋଲି ସମ୍ବୋଧନ କରିଥିଲେ। ଗମ୍ଭୀର ବରିଷ୍ଠ ଖେଳାଳିଙ୍କୁ ସେ ସମ୍ମାନ ଦିଅନ୍ତି ନାହିଁ ବୋଲି କହିଥିଲେ।
